പാരീസ്: ലോകതാരങ്ങളുടെ ഏറ്റുമുട്ടലിന് റോളണ്ട് ഗാരോസ് ഒരുങ്ങി. ഇന്നലെ നടന്ന രണ്ടാം സെമിയില് നൊവാക് ജോക്കോവിച്ച് ജയം നേടി. 5-ാം സീഡ് സ്റ്റെഫാനോസ് സിറ്റ്സിപാസിനെ അഞ്ചു സെറ്റുകള് നീണ്ട പോരാട്ടത്തി നൊടുവിലാണ് സെര്ബിയന് താരം മുട്ടുകുത്തിച്ചത്. ആദ്യ രണ്ടു സെറ്റുകള് 6-3,6-2ന് അനായാസം സ്വന്തമാക്കിയ ജോക്കോവിച്ചിന് മുന്നില് സിറ്റ്സിപാസ് കനത്ത വെല്ലുവിളി ഉയര്ത്തി മൂന്നും നാലും സെറ്റുകള് പിടിച്ചെടുത്തു. മൂന്നാം സെറ്റ് ടൈബ്രേക്കറിലൂടെ 7-5ന് സ്വന്തമാക്കിയ ഗ്രീസ് താരം നാലാം സെറ്റ് 6-4ന് കയ്യിലാക്കി. എന്നാല് അഞ്ചാം സെറ്റില് അതിശക്തമായ തിരിച്ചുവരവിലൂടെ ജോക്കോവിച്ച് വെറും ഒരു ഗെയിം മാത്രമാണ് എതിരാളിക്ക് സമ്മാനിച്ചത്. 6-1ന് നിര്ണ്ണായക സെറ്റു സ്വന്തമാക്കിയാണ് ജോക്കോവിച്ച് ഫൈനലിലേക്ക് കടന്നത്.
കളിമണ് കോര്ട്ടിലെ നദാലിനെതിരെ പോരാടാനാണ് ജോക്കോവിച്ച് ഇറങ്ങുന്നത്. 1967ന് ശേഷം ഏറ്റവുമധികം കിരീടം റോളണ്ട് ഗാരോസില് നേടിയ താരമാണ് നദാല് ഇതുവരെ 12 തവണയാണ് കളിമണ് കോര്ട്ടില് കിരീടമുയര്ത്തിയത്. കഴിഞ്ഞ തവണ നദാല് തോല്പ്പിച്ചത് ഡോമിനിക് തീമിനെയായിരുന്നു. ജോക്കോവിച്ച് ഒരു തവണയാണ് ഫ്രഞ്ച് ഓപ്പണ് നേടിയത്. 2016ല് ബ്രിട്ടന്റെ ആന്ഡി മുറയേയാണ് സെര്ബിയന് താരം അന്ന് തോല്പ്പിച്ചത്.
