ഏത് പ്രായത്തിലുള്ള ആളുകളുടെയും ആവേശമാണ് റോയൽ എൻഫീൽഡ്. വിവിധ ഭാവത്തിലും നിറത്തിലും വന്ന് നമ്മെ ഞെട്ടിച്ച റോയൽ എൻഫീൽഡ് ഇപ്പോൾ ഇതാ മറ്റൊരു രൂപത്തിൽ. കലാഭേദമന്യേ എല്ലാവരുടെയും പ്രിയ വാഹനമായ റോയൽ എൻഫീൽഡിന്റെ പുത്തൻ മാറ്റമാണ് ഇപ്പോൾ തരംഗമായിരിക്കുന്നത്.
ഡൽഹിയിലെ നീവ് മോട്ടോർസൈക്കിൾ നിർമ്മിച്ച റോയൽ എൻഫീൽഡിന്റെ പുത്തൻ രൂപത്തിന്റെ വിശേഷങ്ങൾ നമുക്ക് നോക്കാം.
കാഴ്ചയിൽ തന്നെ അത്ഭുതം തോന്നിപ്പിക്കുന്ന വിധമാണ് ഈ മോഡൽ. ഇൻവേർട്ടഡ് ടെലിസ്കോപിക് ഫോർക്കുകളും ചോപ്പ്ഡ് ഫെൻഡറും കൊണ്ട് മനോഹരമാണ് മുൻവശം. കൂടാതെ യുവജനത ആഗ്രഹിക്കുന്ന തരത്തിലുള്ള സിംഗിൾ പീസ് ഹാൻഡിൽബാറുകളും റൗണ്ട് ഹെഡ്ലാമ്പുകളും ഇതിലുണ്ട്. സിംഗിൾ സീറ്റ് ആണ് മറ്റൊരു പ്രത്യേകത.
ടാങ്കിന് ഇരുവശങ്ങളിലുമുള്ള എക്സ്റ്റൻഷനുകൾ മറ്റൊരു ആകർഷണമാണ്. അലോയി വീലുകളും ഫറ്റാർ ടയറുകളും വാഹനത്തെ കൂടുതൽ മനോഹരമാക്കിയിരിക്കുന്നു. നമ്പർപ്ലേറ്റുകളും ഇഷ്ടാനുസൃതമായി നിർമ്മിച്ചവയാണ്.
റോയൽ എൻഫീൽഡ് തണ്ടർബേഡ് 350ൽ നിന്നാണ് ഇത്തരമൊരു രൂപമാറ്റം സംഭവിച്ചിരിക്കുന്നത്. ‘യോദ്ധ’ എന്ന പേരിൽ വന്നിരിക്കുന്ന ഈ മോഡലിൽ യോദ്ധ ഷീൽഡും കാണാൻ സാധിക്കും. കൂടാതെ ഇന്ധന ടാങ്കിന് മുകളിലും യോദ്ധ എന്ന് എഴുതിയിരിക്കുന്നത് കാണാം.
വാഹനത്തിലെ മിററുകൾ നീക്കം ചെയ്തെങ്കിലും സ്വിച്ച് ഗിയറുകൾ മാറ്റമില്ലാതെ ഈ മോഡലിലും തുടരുന്നുണ്ട്.
പുതിയ എക്സ്ഫോസ്റ്റ് സിസ്റ്റം ആണ് എഞ്ചിനിലെ പ്രത്യേകത. 346 CC, സിംഗിൾ സിലിണ്ടർ, എയർ കൂൾഡ് എഞ്ചിൻ ആണ് ഇതിലുള്ളത്. 5 സ്പീഡ് സ്വീക്ക്വഷ്യൽ ഗിയർ ബോക്സുമായി ഈ കാർബുറേറ്റഡ് മോട്ടർ ബന്ധിപ്പിച്ചിരിക്കുന്നു
എക്സ്ഹോസ്റ്റ് സിസ്റ്റത്തിന്റെ രൂപത്തിലും മാറ്റം വരുത്തിയിട്ടുണ്ട്. കൂടാതെ കീഹോൾ സെന്റർ പാനലിലേക്കും മാറ്റിയിരിക്കുന്നു.
സ്റ്റൈലിങ് കഫെ റേസർ, സ്ട്രീറ്റ് ഫൈറ്റർ എന്നീ വിഭാഗങ്ങളുടെ മിശ്രിതമാണ് ഈ രൂപം.
റോയൽ എൻഫീൽഡ് പുത്തൻ രൂപം ഉപഭോക്താക്കൾക്കിടയിൽ തരംഗമായി മാറുമെന്നതിന് സംശയം വേണ്ട.
