ലഖ്നൗ : ജോലിയോടുള്ള ആത്മാർത്ഥതകൊണ്ട് പതിനാല് ദിവസം പ്രായമായ കൈക്കുഞ്ഞുമായി ജോലിക്കെത്തി സമൂഹത്തിന് മുന്നിൽ മാത്യകയാവുകയാണ് മോഡിനഗറിലെ സബ്ഡിവിഷണൽ മജിസ്ട്രേറ്റാണ് സൗമ്യ പാണ്ഡേ എന്ന ഐഎഎസ് ഓഫീസര്. കൈക്കുഞ്ഞുമായി ജോലിക്കെത്തിയ ഈ യുവതി ഇപ്പോൾ സോഷ്യൽ മീഡിയയുടെ ഇഷ്ടതാരമാണ്.
ഗാസിയാബാദ് ജില്ലയിൽ കൊറോണ നിയന്ത്രണങ്ങളുടെ മേൽനോട്ടമാണ് ജൂലൈ മുതൽ സൗമ്യയ്ക്ക്. കുഞ്ഞു പിറന്നതോടെ സൗമ്യയ്ക്ക് ജോലിയിൽ നിന്ന് വിട്ടുനിൽക്കേണ്ടി വരുമോ എന്ന ആശങ്ക ഉണ്ടായിരുന്നു. എന്നാൽ പതിനാല് ദിവസം കഴിഞ്ഞപ്പോഴേ സൗമ്യ ജോലിക്ക് തയ്യാർ.
“ഗാസിയാബാദിലെ എല്ലാ സഹപ്രവർത്തകരും എനിക്ക് കുടുംബം പോലെയാണ്, അവർ നൽകുന്ന പിന്തുണയും വളരെ വലുതാണ്. കുടുംബം എനിക്ക് എല്ലാ പിന്തുണയും നൽകുന്നുണ്ട്. “ സൗമ്യ ആത്മവിശ്വാസത്തോടെ പറഞ്ഞു. ഗര്ഭിണികളും അമ്മമാരും കൊറോണക്കാലത്ത് എല്ലാ സുരക്ഷയും ഉറപ്പാക്കണമെന്നും സൗമ്യ അഭ്യർത്ഥിച്ചു.
Comments