യുവ നായികമാരില് വളരെ ഏറെ പ്രേക്ഷക ശ്രദ്ധേ നേടിയ താരമാണ് അഹാന കൃഷ്ണകുമാര്. സോഷ്യല് മീഡിയയില് സജീവമാണ് താരം. മികച്ച കഥാപാത്രങ്ങളിലൂടെ പ്രേക്ഷക മനസ്സില് ഇടം നേടിയ കൃഷ്ണകുമാറിന്റെ മൂത്ത മകളായ അഹാന കൃഷ്ണകുമാര് സിനിമയില് വരുന്നതിനു മുന്പേ തന്നെ സോഷ്യല് മീഡിയയിലൂടെ ശ്രദ്ധിക്കപ്പെട്ടിരുന്നു. അഹാന മാത്രമല്ല, ഭാര്യയും നാലു പെണ് മക്കളും അടങ്ങുന്ന കൃഷ്ണകുമാറിന്റെ കുടുംബം സോഷ്യല് മീഡിയയിലൂടെ മലയാളികള്ക്ക് ഏറെ പരിചിതമാണ്. തന്റെ ഇരുപത്തിയഞ്ചാം പിറന്നാള് ദിനത്തില് പുതിയ ചിത്രത്തിന്റെ വിശേഷങ്ങള് സോഷ്യല് മീഡിയ വഴി പുറത്തു വിട്ടിരിക്കുകയാണ് അഹാന കൃഷ്ണകുമാര്
പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര് സോഷ്യല് മീഡിയയില് ഏറെ ശ്രദ്ധ നേടുകയും ചെയ്തു. നായിക പ്രാധാന്യമുള്ള ഈ ചിത്രത്തിന് ‘നാന്സി റാണി’ എന്നാണ് പേരിട്ടിരിക്കുന്നത്. ഒരു നായികയാകുക എന്ന ആഗ്രഹവുമായി നടക്കുന്ന ഒരു പെണ്കുട്ടിയുടെ ജീവിതം പറഞ്ഞു പോകുന്ന ഈ ചിത്രത്തിന്റ സംവിധായകന് ജോസഫ് മനു ജെയിംസാണ്. ലാല്, അജു വര്ഗീസ്, ശ്രീനിവാസന്, വിശാഖ് നായര്, നന്ദു പൊതുവാള്, ലെന തുടങ്ങിയവരാണ് ചിത്രത്തിലെ മറ്റു താരങ്ങള്. ‘ഞാന് സ്റ്റീവ് ലോപ്പസ്’ എന്ന
ചിത്രത്തിലൂടെയാണ് അഹാന കൃഷ്ണകുമാര് അഭിനയ രംഗത്തേക്ക് കടന്നു വന്നത്.
ചുരുക്കം ചിത്രങ്ങളില് മാത്രമാണ് അഭിനയിച്ചത് എങ്കിലും കുറഞ്ഞ കാലം കൊണ്ടു തന്നെ വളരെ ഏറെ പ്രേക്ഷക പ്രീതി പിടിച്ചു പറ്റിയ ഒരു യുവ താരം കൂടിയാണ് അഹാന. കൂടുതലായും യുവ തലമുറ ഏറെ ഇഷ്ടപ്പെടുന്ന തരത്തിലുള്ള കഥാപാത്രങ്ങളാണ് അഹാനയുടേത്. ‘നാന്സി റാണി’ എന്ന ഈ ചിത്രം അഹാനയുടെ ആറാമത്തെ ചിത്രമാണ്. അഭിനയത്തില് മാത്രമല്ല നൃത്തത്തിലും പാട്ടിലും തന്റെ കഴിവ് തെളിയിച്ചിട്ടുണ്ട് താരം. സോഷ്യല് മീഡിയയിലെ സജീവ സാന്നിധ്യമായ അഹാന കൃഷ്ണകുമാര് തന്റെ കുടുംബ വിശേഷങ്ങളും സിനിമ വിശേഷങ്ങളും ഇടയ്ക്കിടെ സോഷ്യല് മീഡിയയിലൂടെ പങ്കുവയ്ക്കാറുണ്ട്.
