പാരീസ്: ഫ്രഞ്ച് ഓപ്പണിലെ റണ്ണറപ്പും നിലവിലെ ലോക ഒന്നാം നമ്പറുമായ നൊവാക് ജോക്കോവിച്ച് പാരീസ് ഓപ്പണില് നിന്നും പിന്മാറി. അടുത്തമാസമാണ് എടിപി ടൂര്ണ്ണമെന്റായ പാരീസ് ഓപ്പണ് ഫ്രാന്സില് നടക്കുന്നത്. നദാലും ഡോമിനിക് തീമും ഡാനി മെഡ് വേദേവും പാരീസില് മത്സരിക്കുന്നുണ്ട്. ഇവര്ക്കൊപ്പം ഫ്രഞ്ച് ഓപ്പണില് തിളങ്ങിയ സിറ്റ്സിപാസും യു.എസ്.ഓപ്പണ് റണ്ണറപ്പായ അലക്സാണ്ടര് സ്വരേവും പാരീസിലിറങ്ങും.
എ.ടി.പി റാങ്കിംഗിനെ പിന്മാറ്റം ബാധിക്കില്ലെന്നതിനാലാണ് അടുത്ത സീസണിലേക്കുള്ള തയ്യാറെടുപ്പിനായി മാറുന്നതെന്നാണ് ജോക്കോവിച്ചിന്റെ വാദം. കഴിഞ്ഞ സീസണിലെ ചാമ്പ്യനാണ് ജോക്കോവിച്ച്. എന്നാല് 2007ന് ശേഷം ഇതുവരെ കളിക്കാതിരുന്ന വിയന്ന ഓപ്പണില് കളിക്കാനാണ് സെര്ബിയന് താരത്തിന്റെ തീരുമാനം.
