മിലാന്‍: ചാമ്പ്യന്‍സ് ലീഗില്‍ യുവന്റസിന് മികച്ച ജയം. ഡൈനാമോ കീവിനെതിരെയാണ് ക്രിസ്റ്റ്യാനോയുടെ ടീം ജയം സ്വന്തമാക്കിയത്. കൊറോണ ബാധ മൂലം കളിക്കളത്തിലില്ലാത്ത ക്രിസ്റ്റ്യാനോയുടെ അഭാവം ഒട്ടും ബാധിക്കാത്ത കളിയാണ് യുവന്റസ് പുറത്തെടുത്തത്. ഈ സീസണില്‍ ക്ലബ്ബിലെത്തിയ ആല്‍വാരോ മൊറാത്തയുടെ ഇരട്ടഗോളുകളിലാണ് ചാമ്പ്യന്‍സ് ലീഗിലെ ആദ്യമത്സരം യുവന്റസ് കയ്യിലാക്കിയത്.
കളിയുടെ ഇരുപകുതിയിലുമായിട്ടാണ് ഗോളുകള്‍ പിറന്നത്. 46-ാം മിനിറ്റിലാണ് മൊറാത്ത ആദ്യ ഗോള്‍ നേടിയത്. കളിയുടെ അവസാന ഘട്ടത്തില്‍ മൊറാത്ത തന്റെ പ്രതിഭ തെളിയിച്ച രണ്ടാം ഗോളും സ്വന്തമാക്കി. ഗ്രൂപ്പ് ജി യിലാണ് യുവന്റസും കീവുമുള്ളത്. ബാഴ്‌സലോണയും ഫെറെന്‍കാരോസുമാണ് ടീമിലെ മറ്റ് എതിരാളികള്‍.
