ബാഴ്സലോണ: ലോകം കാത്തിരിക്കുന്ന എറ്റവും വലിയ ഫുട്ബോള് വൈരത്തിന് ഇന്ന് കളമൊരുങ്ങുകയാണ്. നിലവിലെ ചാമ്പ്യന്മാരായ റയല് മാഡ്രിഡ് ഇന്ന് കരുത്തരായ ബാഴ്സലോണയുമായി ഏറ്റുമുട്ടും. ഇന്ത്യന് സമയം രാത്രി 7.30നാണ് മത്സരം. ഇന്ത്യയില് സംപ്രേഷണമില്ലാത്തതിനാല് ലാലിഗയുടെ ഫേസ്ബുക്ക് പേജില് മത്സരം തത്സമയം കാണാം.
ബാഴ്സലോണയുടെ തട്ടകമായ ക്യാമ്പ് നൂവിലാണ് മത്സരം നടക്കുക. സ്വന്തം മൈതാനത്ത് ഇറങ്ങുന്നതിന്റെ ആനുകൂല്യം ബാഴ്സലോണയ്ക്ക് ഉണ്ടെങ്കിലും എല് ക്ലാസിക്കോയില് കാര്യങ്ങള് അത്ര എളുപ്പമല്ലെന്ന് പരിശീലകന് റൊണാള്ഡ് കൂമാന് നന്നായി അറിയാം. പുതിയ പരിശീലകന് കീഴില് ആദ്യമായി എല് ക്ലാസിക്കോയ്ക്ക് ഇറങ്ങുമ്പോള് മെസിയുടെയും സംഘത്തിന്റെയും പ്രകടനത്തിനായാണ് ആരാധകര് കാത്തിരിക്കുന്നത്.
മറുഭാഗത്ത് റയല് മാഡ്രിഡ് ക്യാമ്പ് ആത്മവിശ്വാസം വീണ്ടെടുക്കാനുള്ള ശ്രമത്തിലാണ്. ലാലിഗയിലെ ആദ്യ മത്സരത്തില് നവാഗതരായ കാഡിസിനോടും ചാമ്പ്യന്സ് ലീഗില് ഷാക്തറിനോടും റയല് പരാജയപ്പെട്ടിരുന്നു. സെര്ജിയോ റാമോസ് പരിക്കിന്റെ പിടിയില് നിന്നും മോചിതനായെന്ന വാര്ത്ത റയലിന് ആശ്വാസം പകരുന്നു. അഭിമാന പ്രശ്നമായതിനാല് ബാഴ്സക്കെതിരെ റയല് പരിശീലകന് സിനദിന് സിദാന് ഇന്നത്തെ മത്സരം ജയിച്ചേ തീരൂ.
Comments