അബുദാബി: ഇന്ത്യൻ പ്രീമിയർ ലീഗിൽ ഒന്നാം സ്ഥാനം ലക്ഷ്യമിടുന്ന ഡൽഹി ക്യാപിറ്റൽസ് കൊൽക്കത്ത നൈറ്റ് റൈഡേഴ്സിനെതിരെ ടോസ് നേടി ഫീൽഡിങ് തിരഞ്ഞെടുത്തു. രണ്ട് മാറ്റങ്ങളുമായിട്ടാണ് ഡല്ഹി ഇറങ്ങിയിരിക്കുന്നത്. ഓപ്പണിംഗ് സ്ഥാനത്ത് പൃഥ്വി ഷായ്ക്ക് പകരം അജിങ്ക്യ രഹാനെ കളിക്കും. ഡാനിയൽ സാംസിന് പകരം ആന്റിച്ച് നോര്ക്യയും തിരിച്ചെത്തിയിട്ടുണ്ട്. കൊല്ക്കത്ത നിരയിലും മാറ്റങ്ങൾ വരുത്തിയിട്ടുണ്ട്. ടോം ബാന്റണ് പുറത്തായപ്പോള് സുനില് നരെയ്ന് തിരിച്ചെത്തി. കുല്ദീപിന് പകരം നാഗര്കോട്ടിയേയും ഉള്പ്പെടുത്തിയിട്ടുണ്ട്
പത്ത് മത്സരങ്ങളില് നിന്ന് ഏഴു ജയവുമായി പോയന്റ് പട്ടികയില് രണ്ടാംസ്ഥാനത്താണ് ഡല്ഹി. കഴിഞ്ഞ രണ്ടു മത്സരങ്ങളിലും സെഞ്ചുറി നേടിയ ഓപ്പണര് ശിഖര് ധവാന് തന്നെയാണ് ബാറ്റിങ്ങില് ഡല്ഹിയുടെ തുറുപ്പ് ചീട്ട്. ഇന്ന് ജയിച്ചാൽ ഒന്നാം സ്ഥാനം തിരിച്ചുപിടിക്കാനും ഡൽഹിക്ക് അവസരവുമുണ്ട്. അതെസമയം ഇതുവരെ കളിച്ച 10 മത്സരങ്ങളിൽനിന്ന് അഞ്ച് വീതം വിജയങ്ങളും തോൽവിയും സഹിതം 10 പോയിന്റുമായി പട്ടികയിൽ നാലാം സ്ഥാനത്താണ് കൊൽക്കത്ത. അതിനാൽ നാലു കളികളിലെ ഓരോ തോൽവിയും പ്ലേ ഓഫ് സാധ്യതകൾക്ക് തിരിച്ചടിയായേക്കാം.
Comments