മുംബൈ: ഓസ്‌ട്രേലിയൻ പര്യടനത്തിനുള്ള ഇന്ത്യൻ ടെസ്റ്റ്, ഏകദിന, ട്വന്റി 20 ടീമുകളെ പ്രഖ്യാപിച്ചു. ബിസിസിഐ സെലക്ഷൻ കമ്മിറ്റിയാണ് ടീമുകളെ തെരഞ്ഞെടുത്തത്. വീഡിയോ കോൺഫറൻസിലൂടെയായിരുന്നു ടീമുകളെ പ്രഖ്യാപിച്ചത്.
മലയാളി താരം സഞ്ജു സാംസൺ ട്വന്റി 20 ടീമിൽ വിക്കറ്റ് കീപ്പർ ബാറ്റ്‌സ്മാനായി ഇടം നേടിയിട്ടുണ്ട്. പരിക്ക് കാരണം രോഹിത് ശർമ്മയേയും ഇശാന്ത് ശർമ്മയേയും ഒര ടീമിലും ഉൾപ്പെടുത്തിയിട്ടില്ല.
നവംബർ 11 -നോ 12 നോ ഇന്ത്യൻ ടീം ഓസ്‌ട്രേലിയയിലേക്ക് പുറപ്പെടും. മൂന്ന് ഏകദിനങ്ങളും മൂന്ന് ട്വന്റി 20 മത്സരങ്ങളും നാല് ടെസ്റ്റ് മത്സരങ്ങളുമാണ് പര്യടനത്തിലുള്ളത്. മത്സരക്രമം സംബന്ധിച്ച കാര്യങ്ങളിൽ ഇതുവരെ ഔദ്യോഗിക പ്രഖ്യാപനം ഉണ്ടായിട്ടില്ല.
