ദാഹം തോന്നുമ്പോള് എല്ലാവരും കുടിക്കുന്ന ഒന്നാണ് സര്ബത്ത്. നന്നാറി ചേര്ത്തുള്ള സര്ബത്ത് കുടിക്കാത്തവര് കുറവായിരിക്കും. പ്രത്യേക രുചിയും തണുപ്പും നല്കുന്ന ഈ പാനീയം ക്ഷീണം അകറ്റാന് വളരെ നല്ലതാണ്. ശരീരത്തിന് പെട്ടെന്നു തന്നെ ഊര്ജം നല്കുന്ന ഒന്നായതിനാല് സര്ബത്തുകളില് രുചിയ്ക്കും മണത്തിനും വേണ്ടി മാത്രമല്ല, ഊര്ജത്തിനു കൂടി വേണ്ടിയാണ് ഇത് ചേര്ക്കുന്നത്. പ്രകൃതിദത്തമായ സസ്യങ്ങളില് ഒന്നാണ് നന്നാറി (നറുനീണ്ടി). പുല്ലിനോട് സാമ്യമുള്ള ഇലകള് ഉളളതും നിറയെ വേരോടു കൂടി പടര്ന്നു വളരുന്ന ഒന്നാണ് നന്നാറി. ഇതിന്റെ കിഴങ്ങാണ് പ്രധാനമായും ഉപയോഗിക്കുന്നത്. ധാരാളം ഔഷധ ഗുണങ്ങളുളള നന്നാറി പല ആയുര്വേദ മരുന്നുകളുടേയും പ്രധാന ചേരുവകളില് ഉള്പ്പെടുന്നവയാണ്.
പല ആരോഗ്യ പ്രശ്നങ്ങള്ക്കുമുള്ള നല്ലൊരു മരുന്നു കൂടിയാണ് നന്നാറി സത്ത്. ഇതിന്റെ വേരില്, കിഴങ്ങില് നിന്നെടുക്കുന്ന സത്ത് മനുഷ്യ ശരീരത്തിന് ആരോഗ്യപരമായ ഒരുപാട് ഗുണങ്ങള് നല്കുന്നു. സോറിയായിസ്, എക്സീമ പോലെയുള്ള ചര്മ രോഗങ്ങള്ക്ക് നല്ലൊരു പ്രതിവിധിയാണ നന്നാറി സത്ത്. ചര്മത്തിനു മാത്രമല്ല, രക്ത സംബന്ധമായ പല രോഗങ്ങള്ക്കുമുളള ഒരു മരുന്ന് കൂടിയാണിത്. കൂടാതെ ശരീരത്തിലെ ടോക്സിനുകള് നീക്കാന് സഹായിക്കുകയും ഹൃദയത്തെ ആരോഗ്യത്തോടെ സംരക്ഷിക്കുകയും ചെയ്യുന്നു.
ശരീരത്തില് ജലാംശം നില നിര്ത്തുന്നതിനാല് കിഡ്നി സംബന്ധമായ പ്രശ്നങ്ങള് പരിഹരിക്കാന് ഇത് വളരെ നല്ലതാണ്. കൂടാതെ മൂത്രാശയ സംബന്ധമായ അണുബാധകളും രോഗങ്ങളും അകറ്റുന്നു. ബ്രെസ്റ്റ്, ലിവര് ക്യാന്സറുകള്ക്കുള്ള നല്ലൊരു പ്രതിവിധിയാണ് ആന്റി ക്യാന്സര് ഗുണങ്ങളുള്ള നന്നാറിക്കിഴങ്ങ്. ആന്റി ഇന്ഫ്ളമേറ്ററി അതായതിനാല് സന്ധിവാതം പോലെയുള്ള പ്രശ്നങ്ങള്ക്ക് നല്ലൊരു പരിഹാരമാണിത്. ഇതില് അടങ്ങിയിരിക്കുന്ന ഫ്ളേവനോയ്ഡുകള് ലിവറിനുണ്ടാകുന്ന നാശം തടഞ്ഞ് ലിവര് ആരോഗ്യത്തോടെ സംരക്ഷിക്കുന്നു.
Comments