ദുബായ്: ഐ.പി.എല്ലില് നിന്നും പുറത്തായ ചെന്നൈ സൂപ്പര് കിംഗ്സ് കൊല്ക്കത്തയേയും വലിച്ചു താഴത്തിട്ടു. ഇന്നലെ നടന്ന മത്സരത്തില് രവീന്ദ്ര ജഡേജയുടെ ഉശിരന് ബാറ്റിംഗ് മികവിലാണ് ചെന്നൈ ജയം പിടിച്ചെടുത്തത്. അവസാന പന്തില് സിക്സര് പായിച്ചു കൊണ്ടായിരുന്നു ചെന്നൈയുടെ ജയം. അഞ്ചിന് 172 എന്ന കൊല്ക്കത്ത നൈറ്റ് റൈഡേഴ്സിന്റെ സ്കോറാണ് അവസാന പന്തില് ചെന്നൈ മറികടന്നത്.
11 പന്തുകളില് 31 റണ്സെടുത്ത രവീന്ദ്ര ജഡേജയാണ് വിജയശില്പി. അവസാന രണ്ട് ഓവറുകളില് 30 റണ്സാണ് ചെന്നൈക്ക് വേണ്ടിയിരുന്നത്. ഇതില് 19-ാം ഓവറില് സാംകറനും ജഡേജയും ചേര്ന്ന് 20 റണ്സ് വാരിക്കൂട്ടി. അവസാന ഓവറില് അഞ്ചാം പന്തില് സിക്സറോടെ സ്കോര് ജഡേജ തുല്യമാക്കി. തുടര്ന്നാണ് അതേ ഭാഗത്തേക്ക് വീണ്ടും സിക്സര് പറത്തി ടീമിന് ആശ്വാസ ജയം നല്കിയത്. 53 പന്തില് 72 റണ്സെടുത്ത ഋതുരാജ് ഗെയ്ക്വാദിന്റെ മികച്ച ബാറ്റിംഗാണ് ചെന്നൈയ്ക്ക് റണ്വേട്ടയില് കരുത്തായത്. അപ്രതീക്ഷിത തോല്വിയോടെ കൊല്ക്കത്തയുടെ പ്ലേ ഓഫ് സാധ്യത ഇല്ലാതായി. ഇന്ന് നടക്കുന്ന മത്സരത്തില് പഞ്ചാബ് ജയിച്ചാലും രാജസ്ഥാന് ജയിച്ചാലും ജയിക്കുന്ന ടീം നാലാമത്തെ ടീമായി സെമിയിലെത്തും.
Comments