ജമ്മു: വൈഷ്ണോ ദേവി ക്ഷേത്ര തീര്ത്ഥാടനത്തിലെ നിയന്ത്രണങ്ങളില് ഇളവുവരുത്തി കേന്ദ്രസര്ക്കാര്. തീര്ത്ഥാടകരുടെ എണ്ണത്തിലെ വര്ധനയ്ക്കൊപ്പം ക്വാറന്റൈന് വേണമെന്ന നിയന്ത്രണത്തിലുമാണ് വലിയ ഇളവുകള് തീരുമാനിച്ചിട്ടുള്ളത്. ഇതുവരെ തീര്ത്ഥാടകരുടെ എണ്ണം കൊറോണ കാരണം 7000 എന്ന് നിജപ്പെടുത്തിയിരുന്നത് 15000 ആക്കി ഉയര്ത്തിയി രിക്കുകയാണ്. ഇതുകൂടാതെ തീര്ത്ഥാടകരുടെ 14 ദിവസം ക്വാറന്റൈന് നിബന്ധനയും എടുത്തുകളയുന്ന കാര്യം പരിഗണനയിലാണെന്നാണ് ജമ്മു കശ്മീര് ഭരണകൂടം അറിയിച്ചി രിക്കുന്നത്.
നവംബര് മാസം ഒന്നാം തീയതി മുതല് വൈഷ്ണോ ദേവി തീര്ത്ഥാടനത്തിലെ പുതിയ മാറ്റങ്ങള് നിലവില്വരും. കേന്ദ്ര സര്ക്കാറിന്റെ ആഭ്യന്തര വകുപ്പ് സെക്രട്ടറിയുടെ നേതൃത്വത്തിലുള്ള സംഘത്തിനാണ് തീര്ത്ഥാടന സുരക്ഷാ കാര്യങ്ങളുടെ ചുമതല. അമര്നാഥ് തീര്ത്ഥാടവും കൈലാസ് മാനസരോവര് യാത്രയുടേയും നിയന്ത്രണങ്ങളും അനുമതിയും നല്കുന്നതും ഇതേ സമിതിയാണ്. ആരോഗ്യ സുരക്ഷാ മാനദണ്ഡങ്ങളില് ഇളവില്ലെന്നും കൊറോണ നിയന്ത്രങ്ങളും പരിശോധനയും നവംബര് 30വരെ തുടരുമെന്നും ഭരണകൂടം അറിയിച്ചു.
