ന്യൂഡൽഹി: കന്യാസ്ത്രീയെ പീഡിപ്പിച്ച കേസിൽ ബിഷപ്പ് ഫ്രാങ്കോ മുളയ്ക്കൽ സമർപ്പിച്ച പുന:പരിശോധന ഹർജി സുപ്രീംകോടതി തള്ളി . കേസിൽ നിന്ന് ഒഴിവാക്കണമെന്ന ഹർജി നേരത്തെ കോടതി തള്ളിയിരുന്നു. ഇത് പുന:പരിശോധിക്കണമെന്ന് ആവശ്യപ്പെട്ട് സമർപ്പിച്ച ഹർജിയാണ് ഇപ്പോൾ സുപ്രീംകോടതി തള്ളിയത്. ചീഫ് ജസ്റ്റിസ് അദ്ധ്യക്ഷനായ ബഞ്ചാണ് ഹർജി തള്ളിയത്.
കഴിഞ്ഞ മാസം വിചാരണ നീട്ടിവെയ്ക്കണമെന്ന് ആവശ്യപ്പെട്ട് ഫ്രാങ്കോ നൽകിയ ഹർജി ഹൈക്കോടതി തള്ളിയിരുന്നു. കേസിൽ വിചാരണ തുടരാമെന്ന് കോടതി ഉത്തരവിട്ടു. കൊറോണ വ്യാപനത്തിന്റെ പശ്ചാത്തലത്തിൽ വിചാരണ രണ്ട് മാസത്തേയ്ക്ക് നിർത്തിവെയ്ക്കണം എന്ന് ആവശ്യപ്പെട്ടാണ് ഫ്രാങ്കോ അന്ന് ഹൈക്കോടതിയെ സമീപിച്ചത്.
