മുംബൈ : എൻഫീൽഡ് തങ്ങളുടെ വാഹനത്തിൽ ട്യൂബ് ലെസ് ടയറുകൾ അവതരിപ്പിക്കുന്നു. ഇതിന്റെ ഭാഗമായി പുതിയതായി നിരത്തിലെത്തുന്ന റോയൽ എൻഫീൽഡ് മെറ്റിയോർ 350യുടെ എല്ലാ മോഡലുകളിലും അത്യാധുനിക രൂപകല്പനയോടുകൂടിയ സൂം പ്ലസ് ശ്രേണിയിലുള്ള ട്യൂബ് ലെസ്സ് ടയറുകൾ ഉപയോഗിക്കും. രാജ്യത്തെ മുൻനിര ടയർ നിർമ്മാതാക്കളായ സിയറ്റാണ് ഇക്കാര്യത്തിൽ റോയൽ എൻഫീൽഡുമായി സഹകരിക്കുന്നത്.
ദൈർഘ്യമേറിയ റൂട്ടുകളിലെ ക്രൂയിസിംഗ് കഴിവുകൾക്ക് പേരുകേട്ട സൂം പ്ലസ് ശ്രേണി ടയറുകൾ ദേശീയപാതകളിലെ യാത്രകളെ കൂടുതൽ സുഖകരമാക്കും. കൂടാതെ, സൂം പ്ലസ് ശ്രേണിയിലുള്ള ടയറുകളുടെ രൂപകൽപ്പനയും മോഡലുകളും റൈഡർ ബാലൻസും നനഞ്ഞതും, വരണ്ടതുമായ പ്രതലങ്ങളിൽ മികച്ച ഉറപ്പും നൽകുന്നു. ഫ്രണ്ട്, റിയർ ടയർ മോഡലുകൾ യഥാക്രമം 100/90-19 സൂം പ്ലസ് എഫ്, 140/70-17 സൂം പ്ലസ് എന്നിങ്ങനെ ലഭ്യമാകും.
റോയൽ എൻഫീൽഡ് മീറ്റിയോർ 350യുടെ ഔദ്യോഗിക ടയർ വിതരണക്കാരെന്ന നിലയിൽ സിയറ്റ് സന്തോഷിക്കുന്നുവെന്ന് സിയറ്റ് ടയേഴ്സ് ചീഫ് മാർക്കറ്റിംഗ് ഓഫീസർ അമിത് തോലാനി പറഞ്ഞു. മികച്ച നിലവാരമുള്ള ഉൽപ്പന്നങ്ങൾ നൽകാനുള്ള ഞങ്ങളുടെ പ്രതിജ്ഞാബദ്ധത ആവർത്തിക്കുന്നു. കാലക്രമേണ റോയൽ എൻഫീൽഡുമായുള്ള ഞങ്ങളുടെ പങ്കാളിത്തം കൂടുതൽ ശക്തമായിക്കൊണ്ടിരിക്കുകയാണ്, ഭാവിയിലും ഇത് ഫലപ്രദമായി തുടരുമെന്ന് ഞങ്ങൾക്ക് ഉറപ്പുണ്ടെന്നും അദ്ദേഹം പറഞ്ഞു.
