ഇരുചക്ര വാഹനത്തില് പോകുമ്പോള് ഹെല്മറ്റ് ഉപയോഗിക്കുക എന്നത് നിര്ബന്ധമാണ്. എന്നാല് ഹെല്മറ്റ് ഉപയോഗിക്കുക എന്നത് പുതു തലമുറയ്ക്ക് ബുദ്ധിമുട്ടേറിയ കാര്യം തന്നെയാണ്. മിനുക്കി വെച്ച സ്റ്റൈലന് മുടിയും സണ് ഗ്ലാസും ഹെല്മറ്റ് ഉപയോഗത്തിലൂടെ ഇല്ലാതാവുന്നു എന്നതു തന്നെയാണ് അതിന്റെ കാരണം. എന്നാല് വളരെ ഭാരം കുറഞ്ഞതും പുതിയ തരം മികച്ച ഫീച്ചറുകള് ഉള്ളതുമായ പുതിയ സ്റ്റൈലിലുളള ഹെല്മറ്റ് പുറത്തിറക്കിയിരിക്കുകയാണ് സ്റ്റീല്ബേര്ഡ്. വിപണിയില് 1,199 രൂപ വില വരുന്ന എസ്ബി39 റോക്സ് ഹെല്മെറ്റാണ് സ്റ്റീല്ബേര്ഡ് ഹൈടെക് ഇന്ത്യ ലിമിറ്റഡ് പുറത്തിറക്കിയത്.
എക്സ് ടെക് ഡിസൈന് ഇറ്റലിയില് രൂപകല്പ്പന ചെയ്ത സണ് വിസറുള്ള ഫുള്-ഫെയ്സ് ഹെല്മെറ്റ് എല്ലാ തരത്തിലുളള സുരക്ഷ മാനദണ്ഡങ്ങളും പാലിച്ചാണ് നിര്മ്മിച്ചിരിക്കുന്നത്. ഹെല്മെറ്റിന്റെ ഉളളിലുളള സണ് വിസര് പുറത്തു പോകുമ്പോള് പ്രകാശമുള്ള സമയങ്ങളില് ഉപയോഗിക്കാനും അല്ലാത്ത സമയങ്ങളില് അത് പിന്വലിക്കാനും സാധിക്കും. സണ് ഷീല്ഡിന്റെ പ്രവര്ത്തനം പുഷ് ബട്ടണ് സ്ലൈഡര് സംവിധാനം വഴിയാണ്. സണ് ഷീല്ഡും ലൈറ്റ് വെയ്റ്റുമാണ് എസ്ബി39 റോക്സ് ഹെല്മറ്റിന്റെ ഏറ്റവും വലിയ സവിശേഷത.
ഗ്ലോസി / മാറ്റ് ബ്ലാക്ക്, ഗ്ലോസി, മാറ്റ് ബ്ലാക്ക്, ഡെസേര്ട്ട് സ്റ്റോം, ബാറ്റില് ഗ്രീന്, ഗ്രേ, ചെറി റെഡ് എന്നിവയ്ക്ക് പുറമേ സണ് ഷീല്ഡുള്ള എസ്ബി39 റോക്സ് കൂടുതല് ഗ്രാഫിക്സ് വാഗ്ദാനം ചെയ്യുന്നു. കൂടാതെ ഹെല്മെറ്റിന്റെ ഇന്റീരിയറുകള് മാറ്റി സ്ഥാപിക്കാവുന്നതാണ്. ബ്രാന്ഡിന്റെ എല്ലാ ഔട്ട്ലെറ്റുകള് വഴിയും സ്റ്റീല്ബേര്ഡ് ഹെല്മെറ്റ് ഡോട്ട് കോം വഴിയും അറന്നൂറ് എംഎം (വലുത്), അഞ്ഞൂറ്റി എണ്പത് എംഎം (മീഡിയം) എന്നിങ്ങനെ രണ്ട് വലുപ്പത്തില് എസ്ബി39 റോക്സ് ഹെല്മെറ്റ് ലഭ്യമാണ്.
