കൊച്ചി : ഇന്ത്യൻ സൂപ്പർ ലീഗിന്റെ ഏഴാം സീസണിലേക്കുള്ള കേരള ബ്ലാസ്റ്റേഴ്സ് എഫ്സിയുടെ ഇൻട്രോ സോംഗ് എത്തി. ഐഎസ് എല്ലിലെ ഉദ്ഘാടന മത്സരത്തിന്റെ പരസ്യമായാണ് വീഡിയോ ഇറക്കിയിരിക്കുന്നത്. ഐഎസ്എല്ലിന്റെ ഔദ്യോഗിക സാമൂഹികമാദ്ധ്യമങ്ങളിലൂടെയാണ് പരസ്യം പുറത്തുവിട്ടിരിക്കുന്നത്.
‘ഇടഞ്ഞ കൊമ്പനെ തടഞ്ഞ് നോക്കടാ…’ എന്ന ടാഗ് ലൈനോടെയാണ് വീഡിയോ. പണ്ടത്തെ നഷ്ടക്കണക്കുകൾ വീട്ടാനാണ് വരവെന്നും നെഞ്ചിൽ ആനപ്പുക നീറിപ്പുകയുന്നുണ്ടെന്നും പകയും കൊണ്ട് കമ്പൻമാർ വരുന്നുണ്ടെന്നും വീഡിയോയ്ക്കൊപ്പമുള്ള പാട്ടിൽ പറയുന്നു. വീഡിയോ ഇതിനോടകം മൂന്ന് ലക്ഷത്തോളം ആളുകളാണ് കണ്ടിരിക്കുന്നത്.
