പാരീസ്: ടെന്നീസ് സീസണിലെ അവസാന പോരാട്ടത്തില്‍ ഇന്ന് നദാലിന് കണക്കുതീര്‍ക്കാന്‍ എതിരാളി ഡോമിനിക് തീം. കഴിഞ്ഞ ഓസ്‌ട്രേലിയന്‍ ഓപ്പണില്‍ റഫേല്‍ നദാലിനെ ഫൈനലില്‍ അട്ടിമറിച്ച താരമാണ് ഡോമിനിക് തീം. ഗ്രൂപ്പ് പോരാട്ടത്തില്‍ സിറ്റ്‌സിപാസിനെ 7-6,4-6,6-3 തോല്‍പ്പിച്ചാണ് തീം മുന്നേറിയത്.
റഫേല്‍ നദാല്‍ നേരിട്ടുള്ള സെറ്റുകള്‍ക്കാണ് എതിരാളിയായ റൂബലേവിനെ തറപറ്റിച്ച് സെമിയിലേക്ക് കടന്നത്. 6-3,6-4നാണ് സ്പാനിഷ് കരുത്തന്‍ മുന്നേറിയത്. ലോകറാങ്കിംഗിലെ ആദ്യ എട്ടു സ്ഥാനക്കാരാണ് അസോസിയേഷന്‍ ഓഫ് ടെന്നീസ് പ്രൊഫഷണല്‍സ് എന്ന സംഘടനയുടെ വേള്‍ഡ് ടൂര്‍ കിരീട പോരാട്ടത്തിനായി പരിഗണിക്കപ്പെടുക.
