ചൂടുകാലത്ത് പുറത്തു പോകുമ്പോള് നമ്മള് ഏറ്റവും കൂടുതല് ആശ്രയിക്കുന്ന ഒന്നാണ് ലൈം. ചൂടില് തളര്ന്ന ഒരാള്ക്ക് ക്ഷീണം അകറ്റാന് ഏറ്റവും ഉത്തമമാണ് ഈ പാനീയം. അതുകൊണ്ടു തന്നെ വ്യത്യസ്ത രുചികളിലുള്ള വിവിധ തരം ലൈമുകള് എങ്ങനെ എളുപ്പം വീട്ടില് തയ്യാറാക്കാം എന്ന് നോക്കാം.
കോക്കനട്ട് ജിഞ്ചര് ലൈം
ഇത് തയ്യാറാക്കുന്നതിനായി ആദ്യം ജ്യൂസറിലേക്ക് നാരങ്ങ കുരു കളഞ്ഞ് നന്നായി പിഴിഞ്ഞെടുക്കുക. ഇതിലേക്ക് തേങ്ങയും മൂന്ന് കഷണം ഇഞ്ചിയും ഒരു കഷ്ണം പച്ചമുളകും നമ്മുടെ മധുരത്തിന് അനുസരിച്ചുള്ള പഞ്ചസാരയും ആവശ്യത്തിനു വെള്ളവും ചേര്ത്ത് നന്നായി അടിച്ചെടുക്കുക ശേഷം ഗ്ലാസിലേക്ക് മാറ്റുക. വളരെ പെട്ടെന്ന് തയ്യാറാക്കാവുന്ന ഒന്നാണ് ജിഞ്ചര് ലൈം.
മില്ക്ക് ലൈം
വളരെ സ്വാദിഷ്ടമായ ഒന്നാണ് മില്ക്ക് ലൈം. ഇത് തയ്യാറാക്കുന്നതിനായി ജ്യൂസ്റിലേക്ക് നാരങ്ങാനീരും പഞ്ചസാരയും ചേര്ത്ത് നന്നായി അടിച്ചെടുക്കുക അതിനു ശേഷം ഇതിലേക്ക് പാലും ആവശ്യത്തിനു വെള്ളവും കുറച്ച് വാനില എസന്സും കൂടി ചേര്ത്ത് അടിച്ചെടുക്കുക. പാല് പിരിഞ്ഞു പോകാതിരിക്കാനായി ആദ്യം നാരങ്ങയും പഞ്ചസാരയും ചേര്ത്ത അടിച്ച ശേഷം മാത്രമേ പാല് ചേര്ത്ത് അടിക്കാന് പാടുകയുളളൂ. വളരെ സ്വാദിഷ്ടമായ ഒന്നാണിത്.
മിന്റ് ലൈം
സാധാരണ റസ്റ്റോറന്റുകളിലും മറ്റും ഏറ്റവും കൂടുതലായി ഭക്ഷണത്തിനു ശേഷം ആളുകള് കുടിക്കുന്ന ഒന്നാണ് മിന്റ് ലൈം. രുചികരവും അതോടൊപ്പം ആരോഗ്യകരവുമാണ് മിന്റ് ലൈം. ഇത് തയ്യാറാക്കുന്നതിനായി ജ്യൂസറിൽ നാരങ്ങാനീരും ആവശ്യത്തിന് പുതിനയും ഇഞ്ചിയും പഞ്ചസാരയും ഒരു നുള്ള് ഉപ്പും ഐസ് ക്യൂബ്സും ചേര്ത്ത് നന്നായി അടിച്ചെടുക്കുക. ഇതിലേക്ക് ആവശ്യത്തിന് വെള്ളമൊഴിച്ച് വീണ്ടും അടിച്ചെടുത്ത ശേഷംഗ്ലാസിലേക്ക് മാറ്റുക. സ്വാദിഷ്ടവും ആരോഗ്യകരവുമായ മിന്റ് ലൈം തയ്യാര്.
ബദാം ജിഞ്ചര് ലൈം
ജ്യൂസറിൽ നാരങ്ങാനീര് ഒഴിച്ചതിനു ശേഷം അതിലേക്ക് ആറ് ബദാം, നാല് ഏലയ്ക്ക, രണ്ടു കഷണം ഇഞ്ചി എന്നിവയും ആവശ്യത്തിന് പഞ്ചസാരയും വെള്ളവും ചേര്ത്ത് നന്നായി അടിച്ചെടുക്കുക. വളരെ സ്വാദിഷ്ടമായ ബദാം ജിഞ്ചര് ലൈം തയ്യാര്.
ബീറ്റ്റൂട്ട് ലെയര് ലൈം
കാണുമ്പോള് തന്നെ വ്യത്യസ്തവും ആകര്ഷകവുമായ ഒന്നാണ് ബീറ്റ്റൂട്ട് ലെയര് ലൈം. ഇതിനായി ജ്യൂസ്റിലേക്ക് നാരങ്ങാനീര് ഒഴിച്ചതിനു ശേഷം ഇതിലേക്ക് പഞ്ചസാരയും ഏലക്കയും ആവശ്യത്തിന് വെള്ളവും ഒരു നുള്ള് ഉപ്പും ചേര്ത്ത് നന്നായി അടിച്ചെടുക്കുക. ഇത് ഒരു ഗ്ലാസ്സിലേക്ക് ഒഴിച്ചതിനു ശേഷം ഇതിനു മുകളില് ഒരു സ്പൂണ് കസ്ക്കസ് ഒഴിച്ച് കൊടുക്കുക അതിനു മുകളിലായി ബീറ്റ്റൂട്ട് ഐസ് ക്യൂബ് ഇട്ടുകൊടുക്കുക. വളരെ എളുപ്പം തന്നെ തയ്യാറാക്കാവുന്ന ഒന്നാണ് ബീറ്റ്റൂട്ട് ഐസ്്ക്യൂബ് . ഇതിനായി ബീറ്റ്റൂട്ട് കഷണങ്ങളാക്കി വെള്ളത്തിലിട്ട് നന്നായി തിളപ്പിച്ചെടുക്കുക. അത് തണുത്ത ശേഷം ഇത് ഫ്രീസറില് വച്ച് കട്ടയാക്കി എടുക്കുക. വളരെ എളുപ്പത്തില് തയ്യാറാക്കാവുന്ന ഒന്നാണിത് . വളരെ വ്യത്യസ്തവും എന്നാല് ആരോഗ്യകരമായ ഒന്നാണ് ഈ ബീറ്ററൂട്ട് ലെയര് ലൈം.
ക്യാരറ്റ് ലൈം
ആരോഗ്യകരവും സ്വാദിഷ്ടവുമായ ഒന്നാണ് ക്യാരറ്റ് ലൈം. ഇതിനായി ജ്യൂസ്റിലേക്ക് നാരങ്ങാനീര് ഒഴിച്ചതിനു ശേഷം ആശ്യത്തിന് പഞ്ചസാര, ക്യാരറ്റ് ചെറുതായി അരിഞ്ഞത്. നാല് അണ്ടിപ്പരിപ്പ്, രണ്ടു കഷണം ഇഞ്ചി, ഒരുനുളള് ഉപ്പ്, വെള്ളം എന്നിവ ചേര്ത്ത് നന്നായി അടിച്ചെടുക്കുക. വളരെ സ്വാദിഷ്ടവും ആരോഗ്യകരവുമായ ക്യാരറ്റ് ലൈം തയ്യാര്.
Comments