ന്യൂഡല്ഹി: ടീം ഇന്ത്യയുടെ ജനപ്രിയ ജഴ്സി തിരിച്ചുവരുന്നു. 1992ലെ ലോകകപ്പ് ജഴ്സിയാണ് ഓസ്ട്രേലിയന് പര്യടനത്തില് ടീം ഇന്ത്യ അണിയുക. ഏകദിന, ട്വന്റി20 പരമ്പരകളില് ഇന്ത്യ പഴയ കരിനീലക്കുപ്പായത്തിലാകും കളത്തിലിറങ്ങുക.
പുതിയ ജഴ്സി ധരിച്ചുള്ള ചിത്രം ഇന്ത്യന് താരം ശിഖര് ധവാന് ട്വിറ്ററില് പങ്കുവെച്ചു. പുതിയ ജഴ്സി, പുതിയ പ്രചോദനം, മത്സരത്തിന് തയ്യാര് എന്ന കുറിപ്പോടെയാണ് ധവാന് ചിത്രം പങ്കുവെച്ചത്. ചിത്രത്തിന് താഴെ നിരവധി ആളുകളാണ് സന്തോഷം പങ്കുവെച്ച് കമന്റ് ചെയ്തിരിക്കുന്നത്.
1992ലെ ലോകകപ്പില് ഇന്ത്യയുടെ പ്രകടനം മോശമായിരുന്നു. ഗ്രൂപ്പ് ഘട്ടത്തില് തന്നെ ഇന്ത്യ പുറത്തായി. എന്നാല്, അന്ന് ധരിച്ച ജഴ്സി ആരാധകരുടെ പ്രിയപ്പെട്ട ജഴ്സികളില് ഒന്നായി മാറിയിരുന്നു. വീണ്ടും പഴയകാല ഓര്മ്മകള് സമ്മാനിക്കുന്ന ജഴ്സി തിരികെ എത്തിച്ചതിന് ടീം മാനേജ്മെന്റിന് നന്ദി പറഞ്ഞ് നിരവധിയാളുകളാണ് രംഗത്തെത്തിയിരിക്കുന്നത്.
Comments