മിലാന്: ഇറ്റാലിയന് ലീഗില് തകര്പ്പന് ജയത്തോടെ നാപ്പോളിയുടെ മുന്നേറ്റം. മറ്റ് മത്സര ങ്ങളില് എ.സി.മിലാനും ഉദിനീസേയും ബൊലോഗ്നയും ജയത്തോടെ പോയിന്റ് നില മെച്ചപ്പെടുത്തി. കാഗ്ലിയാരി സ്പേസിയക്കെതിരെ സമനിലകൊണ്ട് തൃപ്തിപ്പെട്ടു.
എതിരില്ലാത്ത നാലു ഗോളുകള്ക്കാണ് നാപ്പോളി റോമയ്ക്കെതിരെ ജയം നേടിയത്. മറഡോണയുടെ സ്മരണകളുണര്ത്തി കളത്തില് നാപ്പോളി നിറഞ്ഞാടി. രണ്ടു പകുതിയിലും നീലപ്പട എ.സി.റോമയുടെ വലകുലുക്കി. 30-ാം മിനിറ്റില് ലോറെന്സോ ഇന്സെയിനാണ് ഗോളടിക്ക് തുടക്കമിട്ടത്. രണ്ടാം പകുതിയില് 64-ാം മിനിറ്റില് ഫാബിയാന് പെന്നയും 81, 86 മിനിറ്റുകളില് ഡ്രിയെസ്സ് മെര്ട്ടന്സും മാറ്റോ പോളിറ്റാനോയും ഗോളുകള് നേടി.
എ.സി.മിലാന് ഫിയോറന്റീനയെയാണ് തോല്പ്പിച്ചത്. എതിരില്ലാത്ത രണ്ടു ഗോളുകള്ക്കാണ് മിലാന്റെ ജയം. അലെസ്സിയോ റൊമാഗ്നോളി 17-ാം മിനിറ്റിലും ഫ്രാങ്ക് കെസ്സി 27-ാം മിനിറ്റിലും ഗോളുകള് നേടി. ഉദിനീസ ഒന്നിനെതിരെ മൂന്നു ഗോളുകള്ക്കാണ് ലാസിയോക്കെതിരെ ജയം നേടിയത്. ടോള്ഗേ ആര്സ്ലാന് 18-ാം മിനിറ്റില് ഉദിനീസയ്ക്ക് ലീഡ് നല്കി. ഇഗ്നാസിയോ പൂസെറ്റോ ആദ്യ പകുതിയുടെ അധികസമയത്ത് രണ്ടാം ഗോളും നേടി. 71-ാം മിനിറ്റില് ഫെര്ണാണ്ടോ ഫോറസ്റ്റിയറി ഉദിനീസയ്ക്ക് വേണ്ടി മൂന്നാം ഗോളും നേടി. 74-ാം മിനിറ്റിലെ പെനാല്റ്റിയിലൂടെ സിര്കോ ഇമ്മോബിലോയാണ് ലാസിയോയ്ക്കായി ആശ്വാസ ഗോള് നേടിയത്.
കാഗ്ലിയാരിയെ അവസാന നിമിഷം സമനിലയില് പൂട്ടി സ്പേസിയ ഞെട്ടിച്ചു. കളിയുടെ 35-ാം മിനിറ്റില് സ്പാസിയയ്ക്കായി ഇമ്മാനുവല് ഗ്യാസിയാണ് ഗോള് നേടിയത്. എന്നാല് തുടര്ച്ച യായ രണ്ടു ഗോളുകള് നേടി കാഗ്ലിയാരി 2-1 ലീഡ് പിടിച്ചു. ജോ പെഡ്രോ, ലിയോനാര്ഡോ പാവോലെറ്റി എന്നിവരാണ് ഗോള് നേടിയത്. കളിയുടെ അവസാന നിമിഷത്തിലെ അധികസമയത്ത് എംബാല സോളയാണ് സ്പേസിയയ്ക്കായി വിജയസമാനമായ സമനില പിടിച്ചത്.
Comments