ന്യൂഡല്ഹി: യു.എ.ഇയുടെ ദേശീയ ദിനത്തില് ആശംസകള് നേര്ന്ന് ഇന്ത്യ. യുണൈറ്റഡ് അറബ് എമിറേറ്റിസിന്റെ വിദേശകാര്യമന്ത്രി ഷേഖ് മുഹമ്മദ് ബിന് സയ്യദ് അല് നഹ്യാനെ നേരിട്ട് വിളിച്ചാണ് വിദേശകാര്യമന്ത്രി എസ്. ജയശങ്കര് ദേശീയദിനാശംസകള് നേര്ന്നത്.
‘യു.എ.ഇയുടെ ജനങ്ങള്ക്കും ഭരണകൂടത്തിനും ദേശീയ ദിനത്തിന് എല്ലാവിധ ആശംസകളും നേരുന്നു. ഇന്ത്യയും യു.എ.ഇയും നടത്തിയ ചര്ച്ചകള് ഇരുരാജ്യങ്ങളുടെ വികസനത്തിനും പൊതുതാല്പ്പര്യങ്ങള്ക്കും ശക്തിപകര്ന്നിരിക്കുന്നതില് ഏറെ സന്തോഷം. ഇരുരാജ്യങ്ങള്ക്കിടയിലെ ബന്ധം പൂര്വാധികം ശക്തിപ്രാപിക്കുമെന്നതില് ഉറച്ച വിശ്വാസവുമുണ്ട്’ എസ്. ജയശങ്കര് പറഞ്ഞു.
