ലണ്ടന്: ഇംഗ്ലീഷ് പ്രീമിയര് ലീഗില് മാഞ്ചസ്റ്റര് ടീമുകള് ഇന്നിറങ്ങുന്നു. മാഞ്ചസ്റ്റര് സിറ്റി ഫുള്ഹാമിനെതിരേയും യുണൈറ്റഡ് വെസ്റ്റ്ഹാമിനെതിരേയുമാണ് കളിക്കുന്നത്. മൂന്നാം മത്സരത്തില് ബേണ്ലേയ്ക്കെതിരെ എവര്ട്ടണ് കളത്തിലിറങ്ങും.
ലീഗില് 11-ാം സ്ഥാനത്തേക്ക് വീണ സിറ്റി മികച്ച ഗോള് ആവറേജില് ജയിച്ചാല് ആറാം സ്ഥാനം വരെ കയറാനുള്ള സാദ്ധ്യതയുണ്ട്.കഴിഞ്ഞ ചാമ്പ്യന്സ് ലീഗില് പോര്ട്ടയോട് ഗോള് രഹിത സമനില വഴങ്ങിയതിന്റെ ക്ഷീണത്തിലാണ് സിറ്റി. അതേസമയം ലീഗില് ബേണ്ലെയെ സ്വന്തം തട്ടകമായ എത്തിഹാദ് സ്റ്റേഡിയത്തില് 5-0ന് തകര്ത്തിരുന്നു.
മാഞ്ചസ്റ്റര് യുണൈറ്റഡ് ഇറങ്ങുന്നത് വെസ്റ്റ്ഹാമിനെതിരെയാണിറങ്ങുന്നത്. വെസ്റ്റ് ഹാമിന്റെ തട്ടകമായ ലണ്ടന് സ്റ്റേഡിയത്തിലാണ് പോരാട്ടം. ലീഗില് 9-ാം സ്ഥാനത്താണ് യുണൈറ്റഡ്. അതേസമയം വെസ്റ്റ്ഹാം അഞ്ചാം സ്ഥാനത്ത് മികച്ച നിലയിലാണ്.ചാമ്പ്യന്സ് ലീഗില് പി.എസ്.ജിയോട് 3-1ന് തോറ്റ ക്ഷീണത്തിലാണ് യുണൈറ്റഡ്. ലീഗില് പക്ഷെ കഴിഞ്ഞ പോരാട്ടത്തില് സതാംപ്ടണിനെ അവരുടെ തട്ടകമായ സെന്റ് മേരീസില് തോല്പ്പിച്ചിരുന്നു.
Comments