ബാങ്കോക്: മ്യാന്മര് അതിര്ത്തികടന്നു് വരുന്നവരെ തടയാന് ഡ്രോണ് നിരീക്ഷണം ശക്തമാക്കി തായ്ലന്റ് ഭരണകൂടം. ഡ്രോണുകളും അള്ട്രാവയലറ്റ് ക്യാമറകളും സജ്ജീകരിച്ചാണ് തായ്ലന്റ് ഭരണകൂടം നുഴഞ്ഞുകയറ്റക്കാരെ കണ്ടെത്താന് ശ്രമിക്കുന്നത്.
ഡ്രോണ് നിരീക്ഷണം ശക്തമാക്കിയതിന് ശേഷം 16 പേരെ പിടികൂടിയതായി അധികൃതര് അറിയിച്ചു. പിടിക്കപ്പെട്ടവരെ 14 ദിവസത്തെ നിര്ബന്ധിത ക്വാറന്റൈനിലാക്കിയെന്നും സൈന്യം അറിയിച്ചു.മ്യാന്മറില് നിന്നും അതിര്ത്തികടന്നു വരുന്നര് കൊറോണ വൈറസ് വാഹകരാണെന്ന് കണ്ടെത്തിയതും തായ്ലന്റിന് തലവേദനയായി. ഇവരില് നിന്ന് 2416 പേരിലേക്ക് രോഗവ്യാപനം ഉണ്ടായെന്ന കണ്ടെത്തലിനെ തുടര്ന്നാണ് തായ്ലന്റ് അതിര്ത്തി സുരക്ഷ ശക്തമാക്കാന് തീരുമാനിച്ചത്. ദിവസവും 1000 ത്തിലധികം പേര്ക്ക് മ്യാന്മറില് കൊറോണ റിപ്പോര്ട്ട് ചെയ്യുന്നുണ്ട്.
വിദേശ സഞ്ചാരികള് ഏറ്റവുമധികം വന്നുപോകാറുള്ള തായ്ലന്റ് വീസയ്ക്കും നിയന്ത്രണം ഏര്പ്പെടുത്തിയിട്ടുണ്ട്. 2019ല് 4 കോടി വിനോദസഞ്ചാരികള് വന്നുപോയ സ്ഥലമാണ് തായ്ലന്റ്. ഒക്ടോബറിലെ കണക്കില് ആകെ വന്നിരിക്കുന്നത് 1200 പേര് മാത്രമാണ്.
