കൊൽക്കത്ത : പൊതുവേദിയിൽ സീതാദേവിയെ അപമാനിച്ച് പരാമർശം നടത്തിയ തൃണമൂൽ നേതാവിനെതിരെ പോലീസിൽ പരാതി നൽകി യുവമോർച്ച. തൃണമൂൽ എംപി കല്യാൺ ബാനർജിക്കെതിരെയാണ് പരാതി നൽകിയത്. സീതാ ദേവിയെ ഹത്രാസിലെ പെൺകുട്ടിയുമായി ബന്ധിപ്പിച്ചുകൊണ്ടായിരുന്നു കല്യാൺ ബാനർജിയുടെ പരാമർശം.
കൊൽക്കത്തയിൽ നടത്ത പൊതുജന റാലിയിലായിരുന്നു സീതാ ദേവിയെ അപമാനിച്ച് കല്യാൺ ബാനർജി പരാമർശം നടത്തിയത്. രാവണന്റെ അനുയായികളായിരുന്നു കടത്തികൊണ്ട് പോയിരുന്നതെങ്കിൽ ഹത്രാസ് പെൺകുട്ടിയുടെ ഗതി വരുമായിരുന്നുവെന്ന് സീതാ ദേവി ശ്രീരാമനോട് പറഞ്ഞിരുന്നുവെന്നായിരുന്നു കല്യാൺ ബാനർജി പറഞ്ഞത്.
സംഭവത്തിന്റെ ദൃശ്യങ്ങൾ സാമൂഹികമാദ്ധ്യമങ്ങളിൽ വ്യാപകമായി പ്രചരിച്ചതോടെ സാംപിത് പത്രയുൾപ്പടെയുള്ള ബിജെപി നേതാക്കൾ പ്രതിഷേധവുമായി രംഗത്ത് എത്തിയിരുന്നു. ഇതിന് പിന്നാലെയാണ് യുവമോർച്ച പോലീസിൽ പരാതി നൽകിയത്. മത വികാരം വൃണപ്പെടുത്തിയെന്ന് ചൂണ്ടിക്കാട്ടിയാണ് യുവമോർച്ച പോലീസിനെ സമീപിച്ചത്. സംഭവത്തിൽ കല്യാൺ സിംഗിനെതിരെ ശക്തമായ നടപടി സ്വീകരിക്കണമെന്നും പരാതിയിൽ പറയുന്നു.
