തെലുങ്ക് പ്രേക്ഷകര്ക്കിടയില് മാത്രമല്ല മലയാളി പ്രേക്ഷകര്ക്കിടയിലും വളരെ ഏറെ സ്വീകാര്യത നേടിയ ചിത്രമായിരുന്നു ‘അല വൈകുണ്ഠപുരമുലു’ എന്ന അല്ലു അര്ജുന് ചിത്രം. കഴിഞ്ഞ വര്ഷം പുറത്തിറങ്ങിയ ഈ ചിത്രം വളരെയധികം ജനശ്രദ്ധ നേടിയിരുന്നു. എസ് തമന് ഒരുക്കിയ ഈ ചിത്രത്തിലെ രാമുലു രാമുലാ, സമാജവരഗാമന, ബുട്ട വി ബൊമ്മ എന്നീ ഗാനങ്ങള് ആരാധകര്ക്കിടയില് തരംഗം സൃഷ്ടിച്ചിരുന്നു. അല്ലു അര്ജുന് എന്ന സൂപ്പര് താരത്തിന്റെ ഹിറ്റ് ചിത്രങ്ങളുടെ പട്ടികയില് വളരെ പെട്ടന്ന് തന്നെ ഇടം നേടിയ ഒരു ചിത്രമായിരുന്നു ഇത്. മലയാളികളുടെ പ്രിയതാരം ജയറാമും ചിത്രത്തില് പ്രധാന വേഷം കൈകാര്യം ചെയ്തിട്ടുണ്ട്.
ചിത്രം പുറത്തിറങ്ങി ഒരു വര്ഷം പിന്നിടുമ്പോള് ചിത്രത്തിന്റെ അണിയറ പ്രവര്ത്തകര് എല്ലാവരും ഒരുമിച്ച് കൂടിയിരിക്കുകയാണ്. ചിത്രത്തിന്റെ സംവിധായകനായ ത്രിവിക്രം ശ്രീനിവാസ്, നായികയായ പൂജ ഹെഗ്ഡെ, സഹതാരം സുശാന്ത് എന്നിവര്ക്കൊപ്പമുള്ള ചിത്രവും അല്ലു അര്ജുന് സോഷ്യല് മീഡിയയില് പങ്കുവെച്ചു. കഴിഞ്ഞ വര്ഷം പുറത്തിറങ്ങിയതില് ഏറ്റവുമധികം ചര്ച്ച ചെയ്യപ്പെട്ടതും . 200 കോടിയിലധികം കളക്ഷന് നേടിയതുമായ തെലുങ്ക് ചിത്രങ്ങളിലൊന്നാണ് അല വൈകുണ്ഠപുരമുലു.
പ്രശസ്ത തെലുങ്കു സംവിധായകന് ത്രിവിക്രം ശ്രീനിവാസ് സംവിധാനം ചെയ്ത ഈ ചിത്രം ഗീത ആര്ട്സ്, ഹാരിക ആന്ഡ് ഹസീന് ക്രിയേഷന്സ് എന്നിവയുടെ ബാനറില് അല്ലു അരവിന്ദ്, എസ് രാധാകൃഷ്ണ എന്നിവര് ചേര്ന്നാണ് നിര്മ്മിച്ചിരിക്കുന്നത്. നിവേദ, മുരളി ശര്മ്മ, രോഹിണി, തബു, ഗോവിന്ദ് പദ്മസൂര്യ, സമുദ്രക്കനി, രാജേന്ദ്ര പ്രസാദ് എന്നിവരും ഈ ചിത്രത്തില് പ്രധാന കഥാപാത്രങ്ങളെ അവതരിപ്പിച്ചു. ബോക്സോഫീസ് റെക്കോര്ഡുകള് തകര്ക്കാന് കഴിഞ്ഞ ഈ ചിത്രം അല്ലു അര്ജുന്റെ കരിയറിലെ തന്നെ ഏറ്റവും മികച്ച ചിത്രങ്ങളിലൊന്നാണിത്.
