ബ്രിസ്ബെയ്ൻ: നിർണായകമായ നാലാം ടെസ്റ്റ് ആവേശകരമായ അന്ത്യത്തിലേയ്ക്ക്. ഒരു സെഷൻ മാത്രം ബാക്കി നിൽക്കെ ഇന്ത്യയ്ക്ക് ജയിക്കാൻ 139 റൺസ് കൂടി വേണം. ഒടുവിൽ വിവരം ലഭിക്കുമ്പോൾ ഇന്ത്യ 68 ഓവറിൽ 3 വിക്കറ്റ് 189 റൺസ് എന്ന നിലയിലാണ്.
അഞ്ചാം ദിനം ബാറ്റിംഗ് പുനരാരംഭിച്ച ഇന്ത്യയ്ക്ക് ഓപ്പണർ രോഹിത് ശർമ്മ(7)യുടെ വിക്കറ്റ് തുടക്കത്തിൽ തന്നെ നഷ്ടമായി. മറുഭാഗത്ത് മികച്ച ഫോമിൽ ബാറ്റ് വീശിയ ശുഭ്മാൻ ഗിൽ സെഞ്ച്വറിയ്ക്ക് 9 റൺസ് അകലെ പുറത്തായി. തുടർന്ന് ക്രീസിലെത്തിയ നായകൻ അജിങ്ക്യ രഹാനെ 24 റൺസുമായി മടങ്ങി. ശക്തമായ പ്രതിരോധം തീർത്ത് ചേതേശ്വർ പൂജാരയും(186 പന്തിൽ 43) ഋഷഭ് പന്തുമാണ്(35 പന്തിൽ 16) ക്രീസിൽ.
ഇന്ത്യയുടെ അവശേഷിക്കുന്ന 7 വിക്കറ്റുകൾ കൂടി വീഴ്ത്തിയാൽ ഓസ്ട്രേലിയയ്ക്ക് പരമ്പര നേടാം. മത്സരം വിജയിച്ച് പരമ്പര സ്വന്തമാക്കാൻ ആതിഥേയരും പൊരുതി നേടാൻ ഇന്ത്യയും ശ്രമിക്കുമ്പോൾ അവസാന സെഷൻ ആവേശകരമാകുമെന്ന് ഉറപ്പാണ്. നിലവിൽ ഇരുടീമുകളും ഓരോ ടെസ്റ്റ് വീതം വിജയിച്ചിട്ടുണ്ട്. മൂന്നാം ടെസ്റ്റിൽ ഇന്ത്യ സമനില പിടിക്കുകയും ചെയ്തിരുന്നു.
Comments