ലണ്ടൻ: ഇംഗ്ലീഷ് പ്രീമിയർ ലീഗിൽ ചെൽസിക്ക് ഞെട്ടിക്കുന്ന തോൽവി. ലെസറ്റർ സിറ്റിയാണ് എതിരില്ലാത്ത രണ്ടു ഗോളുകൾക്ക് തോൽപ്പിച്ചത്. മറ്റൊരു മത്സരത്തിൽ വെസ്റ്റ് ഹാം 2-1 ന് വെസ്റ്റ് ബ്രോമിനെ തോൽപ്പിച്ചു.
കളിയുടെ ആദ്യപകുതിയിൽ തന്നെ 0-2ന് പിന്നിലായ ചെൽസിക്ക് കളിയിലേക്ക് തിരികെ എത്താനായില്ല. 6-ാം മിനിറ്റിൽ വിൽഫ്രെഡ് എൻഡിഡിയാണ് ലെസ്റ്ററിനായി ആദ്യ ഗോൾ നേടിയത്. 41-ാം മിനിറ്റിൽ സൂപ്പർതാരം ജെയിംസ് മാഡിസണും ചെൽസിയുടെ വല കുലുക്കി. ലീഗിൽ ഒന്നാം സ്ഥാനക്കാരാണ് നിലവിൽ ലെസ്റ്റർ. ചെൽസി തോൽവിയോടെ എട്ടാം സ്ഥാനത്തേക്ക് വീണു.
ഇന്നലെ നടന്ന മത്സരത്തിൽ വെസ്റ്റ് ഹാം വെസ്ററ് ബ്രോമിനെ തോൽപ്പിച്ചു. ആദ്യ പകുതിയുടെ അധിക സമയത്ത് ജാറോഡ് ബോവനാണ് വെസ്റ്റ്ഹാമിനായി ആദ്യ ഗോൾ നേടിയത്. 51-ാം മിനിറ്റിൽ മാത്യൂസ് പെരേര വെസ്റ്റ് ബ്രോമിനായി സമനില നേടി. 66-ാം മിനിറ്റിൽ മിഷെയ്ൽ അന്റോണിയോ വെസ്റ്റ് ഹാമിനായി വിജയഗോളും നേടി.
Comments