ലണ്ടൻ: പ്രീമിയർ ലീഗ് ചാമ്പ്യന്മാർ വീണ്ടും വിജയ വഴിയിൽ. കരുത്തരായ ടോട്ടനത്തിനെയാണ് ലിവർപൂൾ തോൽപ്പിച്ചത്. ഒന്നിനെതിരെ മൂന്ന് ഗോളുകൾക്കാണ് ചെമ്പടയുടെ വിജയം. കളിയുടെ ആദ്യപകുതിയുടെ അധിക സമയത്താണ് ലിവർപൂൾ ആദ്യ ഗോൾ നേടിയത്. റോബർട്ടോ ഫെർമിനോയാണ് ഗോൾ നേടിയത്. തുടർന്ന് രണ്ടാം പകുതിയുടെ തുടക്കത്തിൽ 47-ാം മിനിറ്റിൽ ട്രെൻഡ് അർനോൾഡ് രണ്ടാം ഗോളും നേടി. തുടർന്നാണ് ടോട്ടനം ഗോൾ നേടിയത്.
49-ാം മിനിറ്റിലാണ് ടോട്ടനം എതിരാളികളുടെ ലീഡ് 1-2 ആക്കി കുറച്ചത്. എന്നാൽ ജയം ആധികാരികമാക്കിക്കൊണ്ട് ലിവർപൂൾ സാദിയോ മാനയിലൂടെ 65-ാം മിനിറ്റിൽ മൂന്നാം ഗോളും നേടി. ലീഗ് പട്ടികയിൽ ലിവർപൂൾ നാലാം സ്ഥാനത്താണ്. 20 കളികളിലായി 37 പോയിന്റാണുള്ളത്. ആറാം സ്ഥാനത്തുള്ള ഹാരീ കെയിനിന്റെ നീലപ്പട 19 മത്സരങ്ങളിൽ നിന്നും 33 പോയിന്റാണ് നേടിയിരിക്കുന്നത്.
Comments