മുംബൈ: ഇന്ത്യൻ ക്രിക്കറ്റ് ടീം നായകൻ വിരാട് കോഹ്ലിയും നടി അനുഷ്കാ ശർമ്മയും കുഞ്ഞിന്റെ ചിത്രം ആദ്യമായി പുറത്തുവിട്ടു. വാമിക എന്ന് പേരിട്ടിരിക്കുന്ന കുട്ടിയ്ക്കൊപ്പം ഇരുവരും നിൽക്കുന്ന ചിത്രമാണ് പുറത്തുവിട്ടത്.അനുഷ്കാ ശർമ്മ പ്രസവത്തിനായി തയ്യാറെടുത്തപ്പോഴാണ് വിരാട് കോഹ്ലി ഓസീസ് പര്യടനത്തിനിടെ നാട്ടിലേക്ക് മടങ്ങിയത്.
‘സ്നേഹവും സന്തോഷവും സാന്നിദ്ധ്യവും എല്ലാം ഒരു പോലെ ആസ്വദിക്കുന്ന വരാണ് ഞങ്ങളിരുവരും. വാമിക അതിനെയെല്ലാം സന്തോഷത്തിന്റെ മറ്റൊരു ഉയരത്തിലേക്ക് എത്തിച്ചിരിക്കുകയാണ്. കണ്ണുനീരും, പൊട്ടിച്ചിരിയും വിഷമവും ഈശ്വരാനുഗ്രവും എല്ലാം ഏതാനും നിമിഷങ്ങൾക്കുള്ളിൽ ഞങ്ങളിരുവരും അനുഭവിക്കുകയാണ്. ഉറക്കം കുറഞ്ഞെങ്കിലും ഹൃദയം നിറഞ്ഞ് തുളുമ്പുകയാണ്. ഞങ്ങൾക്കായി പ്രാർത്ഥിച്ച എല്ലാവർക്കും നന്ദി.’ അനുഷ്ക തന്റെ ഇൻസ്റ്റാഗ്രാമിൽ കുറിച്ചു.
