ഹോങ്കോംഗ്: ഹോങ്കോംഗിലെ വരും തലമുറയിൽ ദേശീയബോധം വളർത്താൻ പദ്ധതിയുമായി ചൈന. വിദ്യാഭ്യാസ നയത്തിലൂടെയാണ് ചൈന പദ്ധതി തയ്യാറാക്കുന്നത്. അഞ്ചും ആറും വയസ്സുള്ള കുട്ടികളെ മുതൽ ചൈനയുടെ ദേശീയ സുരക്ഷാ നിയമം പഠിപ്പിക്കും. നിലവിൽ ചൈനാ വിരുദ്ധ പരാമർശമുള്ള പുസ്തകങ്ങളും പ്രസിദ്ധീകരണങ്ങളും ചൈന കഴിഞ്ഞ വർഷം തന്നെ നിരോധിച്ചിരുന്നു.
പുതിയ വിദ്യാഭ്യാസ നയ പ്രകാരം ഒന്നാം ക്ലാസ്സുകാർക്ക് അനിമേഷൻ-കാർട്ടൂൺ സംവിധാനങ്ങളിലൂടെയാണ് പാഠ്യപദ്ധതി തയ്യാറാക്കിയത്. ഒരു മൂങ്ങയാണ് അദ്ധ്യാപകന്റെ റോളിലെത്തി കഥ പറയുന്ന രീതിയിലാണ് അനിമേഷൻ വീഡിയോ പ്രചരിക്കുന്നത്. നിയമങ്ങളും പൗരന്മാരുടെ അവകാശങ്ങളും കടമകളുമാണ് അനിമേഷനിൽ ഉൾപ്പെടുത്തിയിരിക്കുന്നത്. ഹോങ്കോംഗിന്റെ സമഗ്രമായ വികസനമാണ് ദേശീയ പാഠ്യപദ്ധതിയിലൂടെ ലക്ഷ്യമിടുന്നതെന്നാണ് ചൈനയുടെ അവകാശവാദം.
കുട്ടികളും അവരുടെ കുടുംബങ്ങളും ഒത്തൊരുമിച്ച് ദേശീയ സുരക്ഷാ നിയമത്തിലൂടെ പുരോഗതി നേടണം. അത്തരക്കാരാണ് രാജ്യത്തെ നയിക്കേണ്ടതെന്നും സന്ദേശത്തിലൂടെ പറയുന്നു. സ്‌കൂളുകളിൽ രാഷ്‌ട്രീയ പ്രവർത്തനം ശക്തമായി നിരോധിച്ച ബീജിംഗ് ഭരണകൂടം ഇത്തരം പ്രവർത്തനങ്ങൾ നടത്തുന്ന അദ്ധ്യാപകരെയും സ്ഥാപനത്തെയും നിരീക്ഷിച്ചുവരികയാണ്
