മെൽബൺ: നിലവിലെ ചാമ്പ്യൻ നൊവാക് ജോക്കോവിച്ചിന്റെ ഓസ്ട്രേലിയൻ ഓപ്പൺ മുന്നേറ്റം അനിശ്ചിതത്വത്തിൽ. പരിക്കാണ് വില്ലനാകുന്നത്. മൂന്നാം റൗണ്ടിൽ മത്സരം ജയിച്ചെങ്കിലും കാലിന്റെ പരിക്ക് താരത്തെ വിഷമിപ്പി ക്കുകയാണ്. അമേരിക്കയുടെ ടെയ്ലർ ഫ്രിറ്റ്സിനെ 7-6, 6-4, 3-6, 4-6, 6-2 നാണ് ജോക്കോവിച്ച് തോൽപ്പിച്ചത്.
അടുത്ത റൗണ്ടിൽ 14-ാം സീഡ് മിലോസ് റാവോനിക്കിനെയാണ് സെർബിയൻ താരം നേരിടാൻ പോകുന്നത്. ഇത്തവണ കിരീടം നേടിയാൽ 9 തവണ ഓസ്ട്രേലിയൻ കിരീടം മൂന്ന് തവണ തുടർച്ചയായ കിരീട നേട്ടം എന്നീ ഇരട്ട റെക്കോഡുകളാണ് കാത്തിരിക്കുന്നത്.
