തെരുവ് വിളക്കുകൾക്ക് അടുത്താണോ താമസം , എങ്കിൽ സൂക്ഷിക്കുക നിങ്ങൾക്ക് ക്യാൻസർ വരാനുള്ള സാദ്ധ്യത കൂടുതലാണ് . നിയോണ് വെളിച്ചത്തിന്റെ പരിധിയില് വരുന്നവരില് തൈറോയിഡ് ക്യാൻസറിനുള്ള സാധ്യത 55 ശതമാനം അധികമാണെന്ന് ടെക്സാസ് ഹെല്ത്ത് സയന്സ് സെന്റര് സര്വകലാശാലയിലെ ഗവേഷകരാണ് കണ്ടെത്തിയത്.
രാത്രികാലത്തെ അമിത വെളിച്ചം ബ്രസ്റ്റ് ക്യാൻസറിന്റെ സാധ്യതയും വര്ധിപ്പിക്കുന്നതായി കണ്ടെത്തിയിട്ടുണ്ട്. ചില ബ്രസ്റ്റ് ക്യാൻസറുകള്ക്ക് തൈറോയിഡ് ക്യാൻസറുമായി നേരിട്ട് ബന്ധമുണ്ടെന്നും പഠനത്തിന് നേതൃത്വം നല്കിയ ക്വിയാന് സിയാവോ പറയുന്നു. 13 വര്ഷം കൊണ്ട് ശേഖരിച്ച 4,64,371 പേരുടെ വിവരങ്ങളാണ് ക്വിയാന് സിയാവോയും സംഘവും വിശകലനം ചെയ്തത്.
തെരുവുവെളിച്ചം അനുഭവിക്കുന്നവർക്ക് ഏറ്റവും കുറഞ്ഞ വെളിച്ചം രാത്രിയില് അനുഭവിക്കേണ്ടി വരുന്നവരുമായി താരതമ്യപ്പെടുത്തുമ്പോൾ തൈറോയിഡ് ക്യാൻസറിനുള്ള സാധ്യത 55 ശതമാനം കൂടുതലാണെന്നാണ് കണ്ടെത്തിയത് . സ്ത്രീകൾക്ക് ഇത്തരത്തിൽ തൈറോയ്ഡ് ക്യാൻസർ വരാനുള്ള സാദ്ധ്യത കൂടുതലാണെന്നും , എന്നാൽ അത് മറ്റ് ഭാഗങ്ങളിലേക്ക് വേഗത്തിൽ വ്യാപിക്കുന്നില്ലെന്നും സംഘം കണ്ടെത്തി . അതേ സമയം പുരുഷന്മാരിൽ വരുന്ന ക്യാൻസർ രൂക്ഷമായി മാറുകയും ചെയ്യുന്നു .
ക്യാൻസർ ജേണലിലാണ് ഇതു സംബന്ധിച്ച പഠനം പ്രസിദ്ധീകരിച്ചിരിക്കുന്നത് . ലഭ്യമായ വിവരങ്ങളുടെ അടിസ്ഥാനത്തിലാണ് തെരുവു വിളക്കിന്റെ വെളിച്ചവും തൈറോയിഡ് അര്ബുദ സാധ്യതയും തമ്മില് ബന്ധപ്പെടുത്തിയിരിക്കുന്നതെന്നും വിഷയത്തില് കൂടുതല് പഠനങ്ങള് ആവശ്യമാണെന്നും സംഘം വ്യക്തമാക്കി .
Comments