ന്യൂയോർക്ക്: അമേരിക്കയുടെ ബഹിരാകാശ ദൗത്യത്തിലെ സുപ്രധാന ദിനം ഇന്ന്. നാസയുടെ ചൊവ്വാദൗത്യത്തിനായി അയച്ച ഉപഗ്രഹവും നിരീക്ഷണ വാഹനവും ഇന്ന് ചൊവ്വയിൽ തൊടുമെന്നാണ് സൂചന. നാസയുടെ പെർസിവിറൻസ് 2020 റോവറാണ് ഇന്ന് ചൊവ്വയിൽ ഇറങ്ങുന്നത്. ചൊവ്വാ ദൗത്യത്തിന്റെ ഉപമേധാവിയായ കാറ്റി സ്റ്റാക് മോർഗനാണ് വിവരങ്ങൾ അറിയിച്ചത്. അപകടം നിറഞ്ഞ ഏഴു നിമിഷങ്ങൾ എന്നാണ് ഇന്നത്തെ ദൗത്യത്തെ നാസ വിശേഷിപ്പിക്കുന്നത്.
ചൊവ്വയുടെ ഏറ്റവും അപകടം നിറഞ്ഞതും അഗാധ ഗർത്തങ്ങൾ നിറഞ്ഞതുമായ പ്രദേശത്താണ് നാസ റോവറിനെ ഇറക്കാൻ തീരുമാനിച്ചിട്ടുള്ളതെന്ന് കാറ്റി അറിയിച്ചു. നിരവധി മൺകൂനകളും പാറക്കെട്ടുകളും നിറഞ്ഞ പ്രദേശമാണിത്. റോവറിനൊപ്പം ഘടിപ്പിച്ചിരിക്കുന്ന അതിശക്തമായ ക്യാമറകൾ മുന്നേ തയ്യാറാക്കിയിരിക്കുന്ന ഭൂപടവുമായി നിലവിലെ ചിത്രങ്ങൾ താരതമ്യം ചെയ്താണ് സഞ്ചരിക്കുന്നത്. ഇതുമൂലം അപകടം നിറഞ്ഞ മേഖല തിരിച്ചറിഞ്ഞ് സുരക്ഷിത പ്രദേശത്ത് ഇറങ്ങാനാകും.
Comments