സിഡ്നി: ഓസ്ട്രേലിയൻ ഓപ്പൺ വനിത വിഭാഗം കിരീടം ജാപ്പനീസ് താരം നവോമി ഒസാകയ്ക്ക്. അമേരിക്കയുടെ ജെന്നിഫിർ ബ്രാഡിയെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് ഒസാക കിരീടം ചൂടിയത്. സ്കോർ 4-6, 2-6.
ജയത്തോടെ ലോക മൂന്നാം നമ്പർ താരമായ ഒസാക രണ്ടാം തവണയാണ് ഓസ്ട്രേലിയൻ ഓപ്പൺ കിരീടം സ്വന്തമാക്കുന്നത്. നാല് ഗ്രാൻഡ് സ്ലാം കിരീടങ്ങളും ഒസാകയുടെ പേരിലുണ്ട്. മത്സരത്തിൽ ഒസാക 69 പോയിന്റുകൾ നേടിയപ്പോൾ ബ്രാഡിയ്ക്ക് 54 പോയിന്റുകൾ നേടാനേ സാധിച്ചുള്ളൂ. കലാശപ്പോരാട്ടത്തിലെ വിജയത്തോടെ ഒസാക തുടർച്ചയായി 22 വിജയങ്ങളുമായി കുതിപ്പ് തുടരുകയാണ്. ഗ്രാൻഡ് സ്ലാം ഫൈനലിൽ ഒസാക പരാജയം അറിഞ്ഞിട്ടില്ലെന്നതാണ് മറ്റൊരു സവിശേഷത.
രണ്ടാം സീഡായ ഒസാകയ്ക്ക് മുന്നിൽ നിരാശപ്പെടുത്തുന്ന പ്രകടനമാണ് ഇത്തവണ ബ്രാഡിയ്ക്ക് കാഴ്ചവെക്കാനായത്. കഴിഞ്ഞ യുഎസ് ഓപ്പൺ സെമി ഫൈനലിലേറ്റ പരാജയത്തിന് പകരം വീട്ടാൻ അവസരം ലഭിച്ചെങ്കിലും ബ്രാഡിയ്ക്ക് അത് മുതലാക്കാനായില്ല. അന്ന് 7-6, 6-3, 6-3 എന്ന സ്കോറിനായിരുന്നു ഒസാകയുടെ ജയം.
Comments