ധാക്ക: പാകിസ്താനെതിരെ പ്രതിഷേധവുമായി ബംഗ്ലാദേശും രംഗത്ത്. അന്താരാഷ്ട്ര മാതൃഭാഷാ ദിനത്തോടനുബന്ധിച്ചാണ് പാകിസ്താനെതിരെ നിരവധി സ്ഥലത്ത് പ്രതിഷേധപരിപാടികൾ അരങ്ങേറിയത്. സൈക്കിൾ റാലികളും നിൽപ്പു സമരങ്ങളും പ്രസംഗങ്ങളും പാകിസ്താനെതിരെ ബംഗ്ലാദേശിൽ അരങ്ങേറി.
പാക് അധിനിവേശ സേനകൾ ബംഗ്ലാദേശിന്റെ സ്വാതന്ത്ര്യ സമരത്തേയും ഭാഷയേയും അടിച്ചമർത്തിയതിന്റെ പ്രതിഷേധ സ്മരണയാണ് ഉയർന്നത്. പാകിസ്താനെതിരെ പോരാടി വീരമൃത്യുവരിച്ച ബംഗ്ലാദേശ് ജവാന്മാരേയും സ്വാതന്ത്ര്യസമര ഭടന്മാരേയും പ്രതിഷേധപരിപാടിയിൽ അനുസ്മരിച്ചു. തലസ്ഥാന നഗരമായ ധാക്കയിലും വിവിധ സംസ്ഥാന കേന്ദ്രങ്ങളിലും പരിപാടികൾ സംഘടിപ്പിക്കപ്പെട്ടു. ബംഗ്ലാദേശ് സോഷ്യൽ ആക്ടിവിസ്റ്റ് ഫോറത്തിന്റെ ആഭിമുഖ്യത്തിലാണ് പരിപാടികൾ സംഘടിപ്പിക്കപ്പെട്ടത്.
വിവിധ സ്ഥലങ്ങളിൽ നടത്തിയ പരിപാടിയിൽ വിമുക്തഭടന്മാർ, ചരിത്ര അദ്ധ്യാപകർ, ഗവേഷകർ, ചിന്തകന്മാർ, എഴുത്തുകാർ എന്നിവരെ പങ്കെടുപ്പിച്ചാണ് സംഘാടകർ ശ്രദ്ധനേടിയത്.
Comments