തിരുവനന്തപുരം: സെക്രട്ടറിയേറ്റിന് മുന്നിലെ പി.എസ്.സി ഉദ്യോഗാർത്ഥികളുടെ സമരം തുടരുന്നു. സമരക്കാരുമായി മന്ത്രി എ.കെ ബാലനാണ് ചർച്ച നടത്തുന്നത് .. ചർച്ചയ്ക്ക് മുന്നോടിയായി എ.കെ.ബാലൻ ഇന്ന് മുഖ്യമന്ത്രിയുമായി കൂടിക്കാഴ്ച നടത്തും.
സർക്കാർ തല ചർച്ച നടക്കുമെന്ന് ഉറപ്പായെങ്കിലും ഗുണപരമായ തീരുമാനം ഉണ്ടാകുമോ എന്നതിൽ വലിയ ആശങ്കയാണ് സമരം ചെയ്യുന്ന ഉദ്യോഗാർത്ഥികൾ പങ്കുവെയ്ക്കുന്നത്. തെരഞ്ഞെടുപ്പ് പെരുമാറ്റച്ചട്ടം നിലവിൽവരുന്നത് ഒരു അവസരമായി സർക്കാർ എടുക്കുമെന്നാണ് പലരും സംശയം പ്രകടിപ്പിക്കുന്നത്.
നയപരമായ ഒരു തീരുമാനം സർക്കാർ എടുക്കുമോ എന്നതാണ് സമരക്കാരുടെ സംശയം. ചർച്ചയിലെ തീരുമാനം അനുസരിച്ച് സമരത്തെക്കുറിച്ചുള്ള തുടർനടപടികളെടുക്കുമെന്നും ഉദ്യോഗാർത്ഥികൾ പറഞ്ഞു.
