തിരുവനന്തപുരം: കേരളത്തിലെ ഏറ്റവും ജനകീയനായ മുഖ്യമന്ത്രിയെ കണ്ടെത്താനുള്ള ജനം ടിവിയുടെ ഓൺലൈൻ പോൾ വോട്ടെടുപ്പ് പുരോഗമിക്കുന്നു. മൂന്ന് ദിവസത്തെ വോട്ടിംഗ് പിന്നിടുമ്പോൾ കെ കരുണാകരനാണ് ഒന്നാം സ്ഥാനത്തുള്ളത്. 33.51% വോട്ട് നേടിയാണ് കരുണാകരൻ ഒന്നാമതുള്ളത്. സിഎച്ച് മുഹമ്മദ് കോയയാണ് അവസാന സ്ഥാനത്തുള്ളത്. 0.47% വോട്ടുമാത്രമാണ് അദ്ദേഹത്തിന് ലഭിച്ചിരിക്കുന്നത്.
ഇകെ നായനാരാണ് പട്ടികയിൽ നിലവിൽ രണ്ടാം സ്ഥാനത്തുള്ളത്. 12.9 ശതമാനം വോട്ടുകളാണ് നായനാർക്ക് ലഭിച്ചിരിക്കുന്നത്. മൂന്നാം സ്ഥാനത്തുള്ള സി അച്യുതമേനോന് 12.08 ശതമാനം വോട്ടുകളും നാലാം സ്ഥാനത്തുള്ള ഉമ്മൻ ചാണ്ടിയ്ക്ക് 10.24 ശതമാനം വോട്ടുകളുമാണുള്ളത്. ഇപ്പോഴത്തെ മുഖ്യമന്ത്രി പിണറായി വിജയൻ പട്ടികയിൽ അഞ്ചാം സ്ഥാനത്താണുള്ളത്. 9.08 ശതമാനം വോട്ടുകൾ മാത്രമാണ് പിണറായിക്ക് ലഭിച്ചിരിക്കുന്നത്.
6.79 ശതമാനം വോട്ടുകളുമായി ആർ ശങ്കർ ആറാം സ്ഥാനത്തും 6 ശതമാനം വോട്ടുകളുമായി വിഎസ് അച്യുതാനന്ദൻ ഏഴാം സ്ഥാനത്തും 4.74 ശതമാനം വോട്ടുകളുമായി പട്ടം താണുപിള്ള എട്ടാം സ്ഥാനത്തും 1.87 ശതമാനം വോട്ടുകളുമായി ഇഎംഎസ് നമ്പൂതിരിപ്പാട് ഒൻപതാം സ്ഥാനത്തും 1.24 ശതമാനം വോട്ടുകളുമായി എകെ ആന്റണി പത്താം സ്ഥാനത്തും 1.08 ശതമാനം വോട്ടുകളുമായി പികെ വാസുദേവൻ പതിനൊന്നാം സ്ഥാനത്തുമാണുള്ളത്.
ജനകീയ മുഖ്യമന്ത്രിയെ തെരഞ്ഞെടുക്കാൻ നിങ്ങള്ക്കും വോട്ട് രേഖപ്പെടുത്താം. അതിനായി https://janamtv.com/jananayakan/ സന്ദർശിക്കുക.
Comments