കേരള ചരിത്രത്തിലെ എറ്റവും മികച്ച മുഖ്യമന്ത്രിയെ കണ്ടെത്താനുള്ള ഓൺലൈൻ പോളിൽ ആദ്യ റൗണ്ട് അവസാനിക്കാറാകുമ്പോൾ എ.കെ ആന്റണിയും സി.എച്ച് മുഹമ്മദ് കോയയും പി.കെ വാസുദേവൻ നായരും പട്ടം താണുപിള്ളയും വോട്ടെടുപ്പിൽ നിന്ന് പുറത്തായേക്കും. ഇന്ന് രാത്രി പത്ത് മണിയോടെ ആദ്യ റഊണ്ട് അവസാനിക്കും. നിലവിൽ അവസാന സ്ഥാനക്കാരായ നാലു പേരാണ് പുറത്താകുക.അതേസമയം കേരളത്തിന്റെ ആദ്യ മുഖ്യമന്ത്രിയും സിപിഎം സൈദ്ധാന്തികനുമായ ഇ.എം.എസ് നമ്പൂതിരിപ്പാട് കഷ്ടിച്ച് കടന്നുകൂടിയേക്കുമെന്നാണ് സൂചന.
ജനനായകനായി ഇവിടെ വോട്ടു ചെയ്യാം
മാർച്ച് 20 ന് ആരംഭിച്ച ഓൺലൈൻ പോളിൽ മുപ്പത് ശതമാനത്തോളം വോട്ടുകൾ നേടി കെ.കരുണാകരനാണ് മുന്നിൽ നിൽക്കുന്നത്. പതിനഞ്ച് ശതമാനം വോട്ടുകൾ നേടി ഉമ്മൻ ചാണ്ടിയാണ് തൊട്ടു പിന്നിൽ. മുഖ്യമന്ത്രി പിണറായി വിജയൻ 11 ശതമാനം വോട്ടുകളോടെ മൂന്നാം സ്ഥാനത്താണ്. ഇ.കെ നായനാരാണ് നാലാം സ്ഥാനത്ത്.
Comments