ഐ.പി.എൽ: താരങ്ങളിൽ പലരും മടങ്ങുന്നു; കൊറോണ പ്രതിരോധത്തിന് വീട്ടിലെത്തണമെന്ന് അശ്വിനും

ചെന്നൈ: ഇന്ത്യൻ താരത്തിനൊപ്പം വിദേശതാരങ്ങളിലും കൊറോണ ഭീതി വിതയ്‌ക്കു ന്നതായി റിപ്പോർട്ട്. ഡൽഹിക്കായി കളിക്കുന്ന ഇന്ത്യൻ താരം രവിചന്ദ്രൻ അശ്വിനാണ് കൊറോണ പ്രതിരോധത്തിനായി വീട്ടുകാർക്കൊപ്പം ചേരണമെന്ന ആവശ്യം മാനേജ്‌മെ ന്റിനെ അറിയിച്ചത്. ഐ.പി.എൽ മത്സരങ്ങൾ പകുതിയിലെത്തി നിൽക്കേ ഇന്ത്യൻ താരത്തിന് പുറകേ മൂന്ന് ഓസീസ് താരങ്ങളും നാട്ടിലേക്ക് മടങ്ങണമെന്ന തീരുമാനത്തിലാണ്.

ആദം സാംപ, കെയിൻ റിച്ചാർഡ്‌സൺ, ആൻഡ്രൂ തൈ എന്നിവരാണ് നാട്ടിലേക്ക് പോകാൻ തീരുമാനിച്ചത്. ഇതിൽ രാജസ്ഥാൻ റോയൽസ് താരമായ തൈ ഇന്നലെതന്നെ സിഡ്‌നിയിലേക്ക് പുറപ്പെട്ടു. ഐ.പി.എല്ലിൽ ടീമംഗങ്ങൾ കഴിയേണ്ടി വരുന്ന സുരക്ഷാ ബബിളിൽ അസ്വസ്ഥനാണെന്നും നാട്ടിലെത്തി സ്വതന്ത്ര്യമായി നിൽക്കാനാണിഷ്ടമെന്നും തൈ പറഞ്ഞു. ഇദ്ദേഹത്തിന് പിന്നാലെ റോയൽ ചലഞ്ചേഴ്‌സ് താരങ്ങളായ ലെഗ് സ്പിന്നർ സാംപയും പേസ് ബൗളർ റിച്ചാർഡ്‌സണും ടീമിനൊപ്പം ഇനിയുള്ള മത്സരങ്ങളി ലുണ്ടാവില്ലെന്ന് വ്യക്തമാക്കിയതായി ടീം മാനേജ്‌മെന്റ് അറിയിച്ചു. ഈ പ്രവണത മറ്റ് വിദേശതാരങ്ങളെ ബാധിക്കുമോ എന്ന ആശങ്കയിലാണ് ഐ.പി.എൽ അധികൃതർ.