സുരേഷ് ഗോപിയും മകന് ഗോകുല് സുരേഷും ഒരുമിച്ച് അഭിനയിക്കുന്ന ആദ്യത്തെ ചിത്രമാണ് പാപ്പന്. ലൊക്കേഷനില് നിന്നുളള നിരവധി ചിത്രങ്ങള് ഇതിനോടകം തന്നെ സോഷ്യല് മീിഡിയയില് പങ്കുവെച്ചിട്ടുണ്ട്. ഇപ്പോഴിതാ മകനോടൊപ്പമുളള പുതിയ ചിത്രം പങ്കുവെച്ചിരിക്കുകയാണ് താരം. ഇതിനു താഴെ നിരവധി കമന്റുകളുമായി ആരാധകരുമെത്തി. സംവിധായകന് ജോഷിയും സൂപ്പര് സ്റ്റാര് സുരേഷ് ഗോപിയും ഏഴ് വര്ഷങ്ങള്ക്ക് ശേഷം വീണ്ടും ഒന്നിക്കുന്ന ചിത്രമാണ് പാപ്പന്.
എബ്രഹാം മാത്യു മാത്തന് എന്ന കഥാപാത്രമായാണ് സുരേഷ് ഗോപി സിനിമയില് എത്തുന്നത്. സണ്ണി വെയ്ന്, നൈല ഉഷ, നീത പിള്ള, ആശ ശരത്, കനിഹ, ചന്ദുനാഥ്,വിജയ രാഘവന്, ടിനി ടോം, ഷമ്മി തിലകന്, തുടങ്ങി നിരവധി താരങ്ങളാണ് ചിത്രത്തിലുള്ളത്. ഡേവിഡ് കാച്ചപ്പിള്ളി പ്രൊഡക്ഷന്സിന്റെയും ക്യൂബ്സ് ഇന്റര്നാഷണല് ഗ്രൂപ്പിന്റെയും ബാനറില് ഒരുങ്ങുന്ന ചിത്രം ഡേവിഡ് കാച്ചപ്പിള്ളിയും ഷെരീഫ് മുഹമ്മദും ചേര്ന്നാണ് നിര്മ്മിക്കുന്നത്. റേഡിയോ ജോക്കിയും കെയര് ഓഫ് സൈറാ ബാനു എന്ന ചിത്രത്തിന്റെ തിരക്കഥാകൃത്തുമായ ആര്ജെ ഷാനാണ് ചിത്രത്തിന്റെ തിരക്കഥ.
ചിത്രത്തിന്റെ എഡിറ്റിങ്ങ് ശ്യാം ശശിധരന്, സംഗീതം ജേക്സ് ബിജോയ്, സൗണ്ട് ഡിസൈന് വിഷ്ണു ഗോവിന്ദ്, ശ്രീശങ്കര്, ആര്ട്ട് നിമേഷ് എം താനൂര്, മേക്കപ്പ് റോണെക്സ് സേവ്യര്, കോസ്റ്റ്യൂം പ്രവീണ് വര്മ, പ്രൊഡക്ഷന് കണ്ട്രോളര് എസ് മുരുകന്, ചീഫ് അസോസിയേറ്റ് ഡയറക്ടര് സിബി ജോസ് ചാലിശ്ശേരി, സ്റ്റില്സ് നന്ദു ഗോപാലകൃഷ്ണന് ഡിസൈന്സ് ഓള്ഡ് മങ്ക്സ്, പി ആര്. ഒ മഞ്ജു ഗോപിനാഥ് എന്നിവരാണ്. ആഘോഷ് സിനിമാസും, ചാന്ദ് വി മൂവീസും ചേര്ന്നാണ് ചിത്രം തീയറ്ററുകളിലെത്തിക്കുന്നത്.
