നിരവധി സിനിമകളിലൂടെ മലയാളികളുടെ മുന്നിലേക്ക് കടന്നുവന്ന ഒരു നടനാണ് സുധീര് സുകുമാരന്. കൊറോണ കാലത്തെ ദുരിതത്തിനിടയിലാണ് അപ്രതീക്ഷിതമായി കാന്സര് താരത്തെ തേടിയെത്തിയത്. എന്നാല് അതൊന്നും അത്ര പ്രശ്നമല്ലെന്ന് പറഞ്ഞു മനോധൈര്യം കൊണ്ട് കാന്സറിനെ തുരത്തിയിരിക്കുകയാണ് സുധീര്. ചികിത്സ കഴിഞ്ഞതിനു ശേഷം പൂര്ണ്ണ ആരോഗ്യവാനായി അധികം വൈകാതെ തന്നെ സുധീര് സിനിമയിലേക്ക് മടങ്ങിയെത്തുകയും ചെയ്തു.
കഴിഞ്ഞ വര്ഷം മാര്ച്ചിലാണ് സുധീറിന് മലാശയ കാന്സര് കണ്ടെത്തിയത്. ഇക്കഴിഞ്ഞ ജനുവരി പതിനൊന്നിന് കുടല് ശസ്ത്രക്രിയയ്ക്ക് വിധേയനായ സുധീര് രണ്ടാഴ്ച തികയും മുന്പ് ജിമ്മിലേക്ക് തിരിച്ചെത്തുകയും ചെയ്തു. കീമോയ്ക്കിടെ മുടി പോയില്ലേ എന്ന് ചോദിച്ചവരോട് മനസിന്റെ മനോധൈര്യം കൊണ്ടാണ് മുടി പോകാതിരുന്നതെന്ന മറുപടിയുണ്ട് സുധീറിന്.
കൂടാതെ കീമോ തെറാപ്പിക്കിടയില് ഫെബ്രുവരി ആദ്യം ഹൈദരാബിലെത്തി സുധീര് പുതിയ സിനിമയില് ജോയിന് ചെയ്തു. സര്ജറി ചെയ്ത് 21ാം ദിവസമാണ് തെലുങ്ക് ചിത്രത്തില് അഭിനയിക്കുന്നത്. വലിയൊരു ഫൈറ്റ് സീക്വന്സ് ആയിരുന്നു അത്. ആ ആക്ഷന് സീക്വന്സ് കഴിഞ്ഞ ശേഷമാണ് ചിത്രത്തിലെ നായകന് സുധീറിന് കാന്സര് ആണെന്ന് അറിയുന്നത്. അതോടെ താരം ഓടിവന്ന് സുധീറിനെ കെട്ടിപ്പിടിച്ചു കൊണ്ട് നിങ്ങളാണ് റിയല് ഹീറോ എന്നു പറഞ്ഞു പ്രശംസിക്കുകയും ചെയ്തു.
Comments