ന്യൂഡൽഹി: ഐ.പി.എൽ മത്സരങ്ങളെല്ലാം നിർത്തിവെച്ചു. നാല് ക്ലബ്ബുകളിലെ താരങ്ങൾക്ക് കൊറോണ വ്യാപിച്ച പശ്ചാത്തലത്തിലാണ് തീരുമാനം. ഡൽഹി ക്യാപിറ്റൽസ് താരം അമിത് മിശ്രയ്ക്കാണ് ഏറ്റവും ഒടുവിൽ കൊറോണ സ്ഥിരീകരിച്ചത്. സൺറൈസേഴ്സ് ഹൈദരാബാദിന്റെ വൃദ്ധിമാൻ സാഹയ്ക്കും കൊറോണ സ്ഥിരീകരിച്ചിരുന്നു. നാലു ടീമുകളുടെ താരങ്ങൾക്ക് കൊറോണ സ്ഥിരീകരിച്ചതോടെയാണ് എല്ലാ ഐ.പി.എൽ മത്സരങ്ങളും അടുത്ത പത്തു ദിവസത്തേക്ക് നിർത്തിവെയ്ക്കാൻ തീരുമാനിച്ചത്.
ചെന്നൈ സൂപ്പർകിംഗ്സ്, കൊൽക്കത്ത നൈറ്റ് റൈഡേഴ്സ് , സൺറൈഴേസ്, ഡൽഹി ക്യാപ്പിറ്റൽസ് എന്നീ നാലു ടീമുകളുടേയും താരങ്ങളെയും മറ്റ് സ്റ്റാഫുകളെയും ക്വാറന്റൈ നിലേയ്ക്ക് മാറ്റിയിരിക്കുകയാണ്. ഇതിനിടെ എല്ലാ മത്സരങ്ങളും മുംബൈയിലെ ഒരു സ്റ്റേഡിയത്തിലാക്കാനും പത്തുദിവസത്തിന് ശേഷം മത്സരങ്ങൾ പുനരാരംഭിക്കുമെന്നുമാണ് ബി.സി.സി.ഐ തീരുമാനം.
Comments