റോഡിലൂടെ മാത്രമല്ല ഇനി വെള്ളത്തിന്റെ മുകളിലൂടെയും ബൈക്കോടിക്കാം. ന്യൂസിലാന്റ് ആസ്ഥാനമായി പ്രവര്ത്തിക്കുന്ന മാന്റ 5 എന്ന കമ്പനി നിങ്ങള്ക്കായി വെള്ളത്തിന്റെ മുകളിലൂടെ ഓടിക്കാന് ഒരു ഹൈഡ്രോഫോയില് ബൈക്ക് ആണ് സൃഷ്ടിച്ചിരിക്കുന്നത്.
2017 ന്റെ അവസാനത്തില് ലോഞ്ച് ചെയ്ത ഈ ബൈക്കിന്റെ പുതിയ പതിപ്പുകള് ഇപ്പോള് ഇറങ്ങിയിട്ടുണ്ട്. ബാറ്ററിയും 400 വാട്ട് ഇലക്ട്രിക് മോട്ടോറും കൊണ്ട് സജ്ജീകരിച്ചിരിക്കുന്ന ഹൈഡ്രോഫോയിലര് എക്സ്ഇ -1 സൈക്ലിംഗ് ഒരു വ്യത്യസ്ത അനുഭവമാണ് സമ്മാനിക്കുന്നത്.
പെഡല് ഉപയോഗിച്ച് ചവിട്ടുന്നതിന് പുറമെ 21 കിലോമീറ്റര് വേഗതയില് സഞ്ചരിക്കാന് സഹായിക്കുന്ന ലിഥിയം ബാറ്ററിയും 460ണ ഇ-ബൈക്ക് മോട്ടോറും ഈ വാട്ടര്ക്രാഫ്റ്റ് ബൈക്കില് ഉണ്ട്. സ്റ്റാന്ഡേര്ഡ് പവര് സോക്കറ്റ് വഴി അഞ്ച് മണിക്കൂറിനുള്ളില് പൂര്ണമായി ചാര്ജ് ചെയ്യാന് കഴിയുന്ന, നീക്കംചെയ്യാവുന്ന ബാറ്ററിയാണ് ഇ-ബൈക്കിന് ഉള്ളത്, ഒരൊറ്റ ചാര്ജില് 60 മിനിറ്റ് വരെ സവാരി നടത്താം. വില നാല് ലക്ഷം രൂപ.
ഏതായാലും വെള്ളത്തില് ഓടുന്ന കാറിനും ബസിനും പുറകെ സൈക്കിളും ടൂറിസം മേഖലയില് ഒരു തരംഗമായിരിക്കുകയാണ്. ഗൈ ഹോവാര്ഡ്-വില്ലിസ് എന്നയാള് ന്യൂസിലാന്റിലെ തീരപ്രദേശത്തൂടെ സൈക്കിള് ഓടിച്ച് പോകുന്നതിനിടയിലാണ് എന്തുകൊണ്ട് വെള്ളത്തില് ചവിട്ടാനുള്ള സൈക്കിള് ഡിസൈന് ചെയ്തൂടാ എന്ന് ആലോചിച്ചത്, പുറകെ സൈക്ലിംഗ് പ്രേമിയും ബൈക്ക് ഡിസൈനറുമായ റോളണ്ട് അലോണ്സോയെ അദ്ദേഹം കണ്ടുമുട്ടി. അവര് ആറുവര്ഷം കൊണ്ട് വികസിപ്പിച്ചെടുത്ത വാഹനമാണ് ഈ വാട്ടര്ക്രാഫ്റ്റ് ബൈക്ക് .
