മലയാളത്തിന്റെ പ്രിയ സംവിധായകനായ വിനയന് വമ്പന് ബഡ്ജറ്റില് ഒരുക്കുന്ന പുതിയ ചിത്രമാണ് പത്തൊന്പതാം നൂറ്റാണ്ട്. മലയാളത്തിലെ പ്രമുഖ യുവനടന്മാരില് ഒരാളായ സിജു വില്സണ് ആണ് ചിത്രത്തില് നായകനായി എത്തുന്നത്. ഈ ചിത്രത്തിലെ നായക കഥാപാത്രമായ ആറാട്ടുപുഴ വേലായുധ പണിക്കരിലേക്കെത്താന് സിജു വില്സണ് നടത്തിയ മേക് ഓവര് വലിയ രീതിയിലാണ് ശ്രദ്ധിക്കപ്പെട്ടത്. ഇപ്പോഴിതാ ഈ ചിത്രത്തെ കുറിച്ചും സിജു വില്സണ് എന്ന നടനെ കുറിച്ചും മനസ്സ് തുറക്കുകയാണ് സംവിധായകന് വിനയന്.
താന് സിനിമയിലേക്ക് കൊണ്ടു വന്നതും, വലിയ താരങ്ങളായി ഉയര്ന്നതുമായ നടന്മാരെക്കാള് സിജു വില്സണ് ഉയര്ച്ച നേടുമെന്ന് തനിക്ക് ഉറപ്പാണെന്നാണ് വിനയന് പറയുന്നത്. ഈ ചിത്രത്തിലെ ആറാട്ടുപുഴ വേലായുധ പണിക്കര് എന്ന കഥാപാത്രത്തിലൂടെ സിജുവിന്റെ താരമൂല്യം വര്ധിക്കുമെന്നും, ബാഹുബലി എന്ന ഇന്ത്യന് ചിത്രത്തിലൂടെ പ്രഭാസ് സൂപ്പര് താരമായ പോലെ സിജു വില്സണും ഒരു സൂപ്പര് താരമായി മാറുമെന്നും വിനയന് പറഞ്ഞു.
ഈ കഥാപാത്രത്തിന് വേണ്ടി സിജു വില്സണ് കാണിക്കുന്ന ആത്മാര്ഥതയും കഠിനാധ്വാനവുമൊക്കെ അത്ര വലുതാണ്. ആറേഴ് മാസം സമയമെടുത്താണ് ഈ കഥാപാത്രം ചെയ്യാനുള്ള ഫിസിക്കല് മേക് ഓവര് അദ്ദേഹം നടത്തിയതെന്നും വിനയന് പറഞ്ഞു. ഗോകുലം ഗോപാലന് നിര്മ്മിക്കുന്ന ഈ ബിഗ് ബഡ്ജറ്റ് ചിത്രത്തില് കായംകുളം കൊച്ചുണ്ണി ആയി ചെമ്പന് വിനോദ്, മഹാരാജാവായി അനൂപ് മേനോന്, രാജ്ഞിയായി പൂനം ബജ്വ, എന്നിവരും അഭിനയിക്കുന്നു.
