വിവാദങ്ങൾ ഒരു കണക്കിന് നല്ലതാണ് , ലക്ഷദീപിൽ കേന്ദ്ര നടത്തുന്ന ടൂറിസം വികസന പദ്ധതികൾ കൃത്യമായി മനസിലാക്കാൻ ഇത് സഹായിച്ചു എന്ന് വേണമെങ്കിൽ പറയാം.
മുപ്പത്തി രണ്ടു ചതുരശ്ര കിലോമീറ്റർ വിസ്തൃതിയുള്ള മുപ്പത്തി ആറു ദ്വീപുകളുടെ ഒരു കൂട്ടമാണ് ലക്ഷദ്വീപ് എന്നറിയപ്പെടുന്നത് . ഒരു ഏകജില്ലാ കേന്ദ്രഭരണ പ്രദേശമായ ഇത് 12 അറ്റോളുകൾ, മൂന്ന് റീഫുകൾ, ജനവാസമുള്ള പത്ത് ദ്വീപുകൾ എന്നിവ ഉൾക്കൊള്ളുന്നു. അറബിക്കടലിലെ കേരളത്തിലെ കൊച്ചിയിൽ നിന്ന് 220 മുതൽ 440 കിലോമീറ്റർ അകലെയാണ് എല്ലാ ദ്വീപുകളും സ്ഥിതി ചെയ്യുന്നത്. ഇതിന് 4000 ചതുരശ്ര കിലോമീറ്റർ ലഗൂൺ വിസ്തീർണ്ണമുണ്ട്; 20000 ചതുരശ്ര കിലോമീറ്റർ ഭൂപ്രദേശ ജലവും 4,00,000 ചതുരശ്ര കിലോമീറ്റർ പ്രത്യേക സാമ്പത്തിക മേഖലകളും. വെളുത്ത മണൽ നിറഞ്ഞ ബീച്ചുകൾ, ആഴം കുറഞ്ഞ തടാകങ്ങൾ, വിവിധതരം പവിഴ പരിസ്ഥിതി വ്യവസ്ഥകൾ എന്നിവ ഇതിന് നൽകിയിട്ടുണ്ട്. മനോഹരമായ പ്രകൃതി ഭംഗി വിളങ്ങി നിൽക്കുന്ന സ്ഥലമാണെങ്കിലും ദ്വീപുകൾ നിയന്ത്രിതപ്രദേശങ്ങൾ ആണ് എന്ന് മാത്രമല്ല കൂടാതെ ദ്വീപുകൾ സന്ദർശിക്കാൻ അഡ്മിനിസ്ട്രേഷന്റെ അനുമതി ആവശ്യമാണ്. വംശീയ സംസ്കാരം, പൈതൃകം എന്നിവ സംരക്ഷിക്കുന്നതിനും ഈ ദ്വീപുകളിലെ ശാന്തവും ശാന്തവുമായ അന്തരീക്ഷം നിലനിർത്തുന്നതിനും പ്രധാന ഭൂപ്രദേശങ്ങൾ അവരുടെ സംസ്കാരത്തിലും ശീലങ്ങളിലും ഇടപെടാതിരിക്കാനും നിയന്ത്രണങ്ങൾ ഏർപ്പെടുത്തിയിരുന്നു. ആൻഡമാൻ നിക്കോബാർ ദ്വീപുകളിലും സമാനമായ നിയന്ത്രണങ്ങൾ നിലവിലുണ്ട്.
ചരിത്രപരമായി, 1973 ൽ ജനവാസമില്ലാത്ത ദ്വീപായ ബംഗാരം അന്താരാഷ്ട്ര ടൂറിസത്തിനായി പ്രഖ്യാപിച്ചപ്പോൾ മുതലാണ് ദ്വീപിൽ യഥാർത്ഥത്തിൽ ടൂറിസം ആരംഭിക്കുന്നത് തന്നെ . പിന്നീട്, കേന്ദ്രഭരണ പ്രദേശത്ത് ടൂറിസം പ്രോത്സാഹിപ്പിക്കുന്നതിനുള്ള ഭരണകൂടത്തിന്റെ നോഡൽ ഏജൻസിയായ സ്പോർട്സ് (സൊസൈറ്റി ഫോർ പ്രൊമോഷൻ ഓഫ് നേച്ചർ ടൂറിസം ആൻഡ് വാട്ടർ സ്പോർട്സ്) 1983 ൽ നിലവിൽ വന്നു, അതിനുശേഷം സൊസൈറ്റി കാവമാത്ത്, കാവരതിയിലെ ജനവാസ ദ്വീപുകളിൽ ആഭ്യന്തര ടൂറിസം ഏറ്റെടുക്കാൻ തുടങ്ങി. , കൽപെനി & മിനിക്കോയി, അന്തർദ്ദേശീയ വിനോദസഞ്ചാരികളെ പരിപാലിക്കുന്നതിനായി ജനവാസമില്ലാത്ത ദ്വീപായ ബംഗാറാമിൽ ഒരു ചെറിയ റിസോർട്ട് സ്ഥാപിച്ചു. കവരതി, കടമാത്ത്, കൽപ്പേനി, മിനിക്കോയ്, ബംഗാരം, തിങ്കാര എന്നിവിടങ്ങളിലേക്ക് കപ്പൽ അധിഷ്ഠിതവും ഫ്ലൈറ്റ് അധിഷ്ഠിതവുമായ പാക്കേജുകൾ സ്പോർട്സ് പ്രവർത്തിക്കുന്നു. തുടക്കത്തിൽ പദ്ധതികൾ ആവിഷ്ക്കരിച്ചു എങ്കിലും കൃത്യമായ ശ്രദ്ധ നൽകാത്തതിനാൽ അതിവിടെയും എത്താതെ പോകുകയാണ് ഉണ്ടായത്.
കഴിഞ്ഞ കുറേ വർഷങ്ങളായി ദ്വീപിലെ വിനോദ സഞ്ചാരികളുടെ സ്ഥിതിവിവരക്കണക്കുകൾ നോക്കിയാൽ ശരാശരി 6000 , 7000 വിനോദ സഞ്ചാരികൾ ആണ് ഉണ്ടാവാറുള്ളത്. കൃത്യമായ അസൂത്രണത്തിന്റെ അഭാവത്തിൽ യാതൊരു പുരോഗതിയും കൂടാതെ വർഷങ്ങളായി ടൂറിസം സ്തംഭിച്ചിരിക്കുകയാണെന്ന് ഈ കണക്കുകൾ പരിശോധിക്കുന്ന ആർക്കും വ്യക്തമാവും.. അത്ര മികച്ചതല്ലാത്ത ഗതാഗതവും, ലിമിറ്റഡ് ആയ താമസ സൗകര്യങ്ങളും , ഇടയ്ക്കിടെ നേരിടുന്ന വൈദ്യുതി വിതരണത്തിലുള്ള തടസ്സവും , പരിമിതമായ എണ്ണം ഡീസലൈനേഷൻ പ്ലാന്റുകളുടെ അഭാവം മൂലം ശുദ്ധമായ കുടിവെള്ള ക്ഷാമവും , ശരിയായ മാലിന്യ നിർമാർജന സംവിധാനമില്ലാത്തതിനാൽ ഉള്ള ബുദ്ധിമുട്ടുകളും ആണ് യഥാർത്ഥത്തിൽ ലക്ഷദീപിലെ ടൂറിസം വളർച്ചയുടെ അഭാവത്തിന് കാരണം. വാസ്തവത്തിൽ, ശരിയായ ആസൂത്രണവും , കൃത്യമായ പദ്ധതികളും ഇല്ലാതെ, ലക്ഷദീപിൽ ടൂറിസത്തിന്റെ ഉന്നമനം ഒരിക്കലും സാധ്യമല്ല എന്ന് തന്നെ പറയാം. മാലിദ്വീപ് പോലുള്ള അന്താരാഷ്ട്ര ടൂറിസ്റ്റ് ലൊക്കേഷനുകളോട് മത്സരിക്കാനുള്ള എല്ലാ സാധ്യതകളൂം ഉള്ള ഇന്ത്യയിലെ ലക്ഷദ്വീപ് അടക്കം എല്ലാ ദ്വീപുകളുടെയും അടിസ്ഥാന സൗകര്യ വികസനം മുതൽ , ആഡംബര വികസനം വരെ ഉള്ള എല്ലാം ഉൾപ്പെടുത്തി കൊണ്ടുള്ള സമഗ്രമായ പദ്ധതിയുമാണ് കേന്ദ്രം പ്രവർത്തിക്കുന്നത്. 2016ൽ നീതി ആയോഗ് ഇതിന്റെ തുടക്കം കുറിച്ചിരുന്നു. ഇന്നും തുടർന്ന് പോരുന്നു.
നിലവിലെ സ്ഥിതികൾ ഇങ്ങനെയാണെന്നിരിക്കെ
കഴിഞ്ഞ കുറച്ച് വർഷങ്ങളായി, ലക്ഷദ്വീപിൽ ഉയർന്ന നിലവാരമുള്ള ടൂറിസം സാധ്യമാക്കുക എന്ന ലക്ഷ്യത്തോടെ കേന്ദ്ര ടൂറിസം മന്ത്രാലയം നിലവിലെ സാഹചര്യങ്ങൾ ആഴത്തിൽ മനസ്സിലാക്കി സമഗ്രമായ ഒരു പദ്ധതി അവതരിപ്പിക്കുകയുണ്ടായി.
പദ്ധതി പ്രകാരം, ദ്വീപ് വികസന പരിപാടിയിൽ വിനോദസഞ്ചാരത്തിനായി 12 പുതിയ ദ്വീപുകൾ കൂടി ടൂറിസം പദ്ധതികളിൽ ഉൾക്കൊള്ളിച്ചു
ജോലിയുടെ ആദ്യ ഘട്ടമെന്ന നിലയിൽ, പൊതു-സ്വകാര്യ പങ്കാളിത്തത്തോടെ ടൂറിസത്തിനായി ആസൂത്രണം ചെയ്ത മൊത്തം 12 ദ്വീപുകളിൽ 10 ദ്വീപുകൾ വികസിപ്പിക്കുന്നതിന് അനുമതി നൽകുകയും പ്രവർത്തനം ആരംഭിക്കുകയും ചെയ്തു. കൂടുതൽ സൗകര്യങ്ങൾ ഉള്ള താമസ സൗകര്യം ഒരുക്കുക , അഗട്ടി ദ്വീപ് വിമാനത്താവളം വികസിപ്പിക്കുന്നതിലൂടെ കണക്റ്റിവിറ്റി വർദ്ധിപ്പിക്കുക, വ്യോമസേനയ്ക്കൊപ്പം മിനിക്കോയിയിൽ ഒരു അധിക വിമാനത്താവളം വികസിപ്പിക്കുക, വിമാന സെർവീസുകളുടെ എണ്ണം വർദ്ധിപ്പിക്കുക , വിനോദ സഞ്ചാരികൾക്കായി മാത്രം കപ്പലുകൾ തയ്യാറാക്കുക , സീപ്ലെയിനുകൾ അവതരിപ്പിക്കുക തുടങ്ങിയവ കൂടാതെ – ശുദ്ധമായ കുടിവെള്ളം ലഭ്യമാക്കുന്നതിന് സൗരോർജ്ജ നിലയങ്ങൾ, ആർഒ പ്ലാന്റുകൾ സ്ഥാപിക്കുക തുടങ്ങി എണ്ണിയാൽ ഒടുങ്ങാത്ത പദ്ധതികൾ ലക്ഷദ്വീപിൽ ടൂറിസത്തിന്റെ വികസനം മാത്രം ലക്ഷ്യമാക്കി നടന്നു വരുന്നു.
ആൻഡമാൻ നിക്കോബാർ ദ്വീപുകളിലെ 16 ദ്വീപുകളും ഇത് പോലെ വികസന പദ്ധതികളിൽ ഉൾപ്പെടുത്തി സമഗ്രമായ പ്രവർത്തനം കേന്ദ്ര സർക്കാർ ഏകോപിപ്പിച്ചു കൊണ്ടിരിക്കുന്നുണ്ട്. ആൻഡമാൻ നിക്കോബാർ ദ്വീപുകളിലെ റിലീജിയസ് പോപ്പുലേഷൻ 70% ഹിന്ദുക്കളും ലക്ഷദീപിൽ 99% മുസ്ലിങ്ങളും ആണ്. പറഞ്ഞു വന്നത് രണ്ടിടങ്ങളിലും സമാന രീതിയുള്ള ടുറിസം വികസന പദ്ധതികൾ ആണ് കേന്ദ്രം ചെയ്തു കൊണ്ടിരിക്കുന്നത്. മുസ്ലിം ഭൂരിപക്ഷം ആയതു കൊണ്ട് അവരെ ടാർഗറ്റ് ചെയ്യുന്നു എന്ന് അപവാദങ്ങൾ പ്രചരിപ്പിക്കുന്നത് കൊണ്ടാണ് ഈ കണക്കിവിടെ പറയേണ്ടി വന്നത്.ടൂറിസം പ്രോത്സാഹനത്തിലൂടെ ദ്വീപുവാസികൾക്ക് തൊഴിലവസരങ്ങൾ സൃഷ്ടിക്കുന്നതിനൊപ്പം ദ്വീപുകളിൽ നിർമ്മിക്കുന്ന സമുദ്രോൽപ്പന്നവും തേങ്ങാടിസ്ഥാനത്തിലുള്ള ഉൽപന്നങ്ങളും കയറ്റുമതി ചെയ്യുന്നതിനുമുള്ള പദ്ധതികൾ ആവിഷ്കരിച്ചു നടപ്പിലാക്കാൻ തുടങ്ങി.
മാതൃകാ ടൂറിസം പദ്ധതികൾ, ഭൂമി അടിസ്ഥാനമാക്കിയുള്ളതും ,വാട്ടർ വില്ലകളും ആസൂത്രണം ചെയ്യുകയും സ്വകാര്യമേഖലയുടെ പങ്കാളിത്തത്തിനായി ലേലം വിളിക്കുകയും ചെയ്തു.കൂടാതെ നിക്ഷേപം പ്രോത്സാഹിപ്പിക്കുന്നതിന്, ആസൂത്രിതമായ പ്രോജക്ടുകൾ മുൻകൂട്ടി നടപ്പാക്കുന്നതിന് അനുമതി നേടാൻ തീരുമാനിച്ചു. ആൻഡമാൻ നിക്കോബാർ ദ്വീപുകളിലെ മാതൃകാപരമായ നാല് ടൂറിസം പദ്ധതികൾക്കായി പരിസ്ഥിതി, തീരദേശ നിയന്ത്രണ മേഖല (സിആർസെഡ്) അനുമതി ഇതിനകം നേടിയിട്ടുണ്ട്.
അടിസ്ഥാന സൗകര്യങ്ങൾ ശക്തിപ്പെടുത്തുന്നതിന്, വായു, കടൽ, ഡിജിറ്റൽ കണക്റ്റിവിറ്റി മെച്ചപ്പെടുത്തുന്നതിനുള്ള പദ്ധതികളും ലക്ഷദീപിൽ നടന്നു വരികയാണ്.
ദ്വീപുകളിൽ ശുദ്ധവും ഹരിതവും ആരോഗ്യകരവുമായ അന്തരീക്ഷം നിലനിർത്തുന്നതിന് പ്രത്യേക നയം സർക്കാർ രൂപീകരിക്കുകയുണ്ടായി .മൂല്യവർദ്ധിത ഉൽപ്പന്നങ്ങളുടെ മത്സ്യം ശേഖരണം, സംഭരണം, സംസ്കരണം, കയറ്റുമതി എന്നിവ വർദ്ധിപ്പിക്കുന്നതിന് ആവശ്യമായ അടിസ്ഥാന സൗകര്യങ്ങൾ ലക്ഷദീപിൽ കുറവാണെന്നിരിക്കെ , ഈ മേഖലയിൽ ഉള്ള അടിസ്ഥാന സൗകര്യ വികാസങ്ങളും നടന്നു വരുന്നു. അത് കൂടുതൽ തൊഴിലവസരങ്ങൾ സൃഷ്ടിക്കുകയും ദ്വീപുകൾക്ക് അധിക വരുമാനം ഉണ്ടാക്കുകയും ചെയ്യും., ദ്വീപുകൾക്ക് ചുറ്റുമുള്ള എക്സ്ക്ലൂസീവ് ഇക്കണോമിക് സോണിൽ ലഭ്യമായ മത്സ്യബന്ധന വിഭവങ്ങളുടെ സുസ്ഥിര വിനിയോഗത്തിന് അനുയോജ്യമായ പദ്ധതികളും കേന്ദ്രം രൂപികരിച്ചു നടപ്പിലാക്കി വരുന്നുണ്ടു.
ഇങ്ങനെ നോക്കിയാൽ കാലങ്ങളായി ആരാലും ശ്രദ്ധിക്കപ്പെടാതെ കിടന്ന ഈ കൊച്ചു ദ്വീപിൽ വരെ കൃത്യമായ പദ്ധതികളോടെ വികസനം നടപ്പാക്കുന്നതിൽ കേന്ദ്ര സർക്കാരിന്റെ കണ്ണെത്തുന്നു എന്നുള്ളത് തന്നെ കേന്ദ്രത്തിന്റെ വികസന നയങ്ങളുടെ പ്രത്യക്ഷ ഉദാഹരണങ്ങൾ ആണ്.
എല്ലാ പദ്ധതികളും നടന്നു വരുന്ന പ്രവർത്തനങ്ങളും ഒരു ലേഖനത്തിൽ ഒതുക്കാൻ സാധ്യമല്ല എന്നിരിക്കെ അനുബന്ധ റെഫെറെൻസുകൾ ലിങ്ക് ആയി ചുവടെ കൊടുത്തിരിക്കുന്നു .ശത്രു രാജ്യങ്ങൾ എന്നും കണ്ണ് വെച്ചിട്ടുള്ള , ഒരു സ്ട്രാറ്റജിക് ലൊക്കേഷൻ ആയ ലക്ഷദീപ് പോലുള്ള ഇടങ്ങളിൽ അസ്ഥിരത സൃഷ്ടിക്കുന്നതിലൂടെ , രാജ്യത്തെ ശിഥിലമാക്കാം എന്ന് ആരെങ്കിലും വ്യാമോഹിക്കുന്നുണ്ടെങ്കിൽ ആ ആഗ്രഹം നരേന്ദ്ര മോദിയും , അമിത് ഷായും കേന്ദ്രത്തിൽ ഇരിക്കുമ്പോൾ നടപ്പാക്കാൻ പോകുന്നില്ല എന്ന് കൂടി മനസ്സിലാക്കിക്കോളു.
https://www.business-standard.com/article/pti-stories/govt-identifies-16-islands-in-andamans-10-in-lakshadweep-for-development-120011301310_1.html?fbclid=IwAR03RAh2PIy2yGxUMYClGjP31fN9SdpUtegFRGv0e4DmgELenvb9VLNH5fY
https://economictimes.indiatimes.com/…/sli…/54507114.cms
Comments