ആംസ്റ്റർഡാം: യൂറോകപ്പിൽ ഗ്രൂപ്പ് സി ജേതാക്കളാകാൻ നെതർലാന്റ്സ് ഇന്നിറങ്ങുന്നു. പ്രീക്വാർട്ടറിലേക്കുള്ള പോരാട്ടത്തിൽ ഉക്രയിനും ഓസ്ട്രിയയും നോർത്ത് മാസിഡോ ണിയയും കളത്തിലിറങ്ങും. ഓറഞ്ച് പടയ്ക്കെതിരെ നോർത്ത് മാസിഡോണിയയും ഉക്രയിനെതിരെ ഓസ്ട്രിയയുമാണ് ഇറങ്ങുക.
മൂന്ന് പോയിന്റ് കൂടി നേടി മികച്ച നേട്ടത്തോടെ ഗ്രൂപ്പിലെ ചാമ്പ്യന്മാരാവുക എന്നതാണ് ഫ്രാങ്ക് ഡിബോയറുടെ കുട്ടികളുടെ ലക്ഷ്യം. എന്നാൽ ഉക്രെയിനും ഓസ്ട്രിയയ്ക്കും ഗ്രൂപ്പ് സിയിൽ ജീവന്മരണ പോരാട്ടമാണ്. ജയിക്കുന്നവർ ഗ്രൂപ്പിൽ രണ്ടാം സ്ഥാനക്കാരായി പ്രീക്വാർട്ടറി ലെത്തും. കളി സമനിലയിലായാൽ ഗോൾ ശരാശരി ഉക്രയിനെ തുണയ്ക്കും.
