ആനകളെ എല്ലാവര്ക്കും ഇഷ്ടമാണ് എന്നാല് പത്ത് ആനകളുടെ പേര് ഓര്ത്തെടുത്ത് തെറ്റാതെ പറയാന് നമുക്ക് ആര്ക്കെങ്കിലും പറ്റുമോ…. ആറുവയസ്സുകാരനായ ആര്യന് പത്തല്ല നൂറ് ആനകളുടെ പേര് തെറ്റാതെ പറയാനാവും, അതിന് കാരണം ഒന്നേയുള്ളൂ… അവന് ഏറ്റവും പ്രിയപ്പെട്ടത് ആനയെ തന്നെ. വലുതായാല് ആഗ്രഹം ഒരു ആന മുതലാളി ആകണം എന്നതും. ആനകളില് ആരെയാണ് കൂടുതലിഷ്ടം എന്ന് ചോദിച്ചാല് ഊട്ടോളി രാമനേയാണ് എന്നാണ് ഈ ആറുവയസ്സുകാരന്റൈ മറുപടി.
കാരരമായി പറയുന്നത് ആനയുടെ കറുകറുത്ത നിറവും വെളുത്ത നഖങ്ങളും തുടങ്ങി ഓരോ വര്ണ്ണനകളാണ്. കുട്ടി കാലം മുതല് തന്നെ ആനകളെ ഏറെ ഇഷ്ടമാണ് ആര്യന്. കളിപ്പാട്ടമായി ആവശ്യപ്പെടുന്നതും ആനകളെ തന്നെ. മൊബൈലില് യൂട്യൂബ് വഴിയാണ് ആനകളെ കാണുന്നതും പരിചയപ്പെടുന്നതും. പിന്നീട് ആരുടെ കയ്യില് മൊബൈല് കണ്ടാലും ആനയെ കാണണം എന്നാണ് ആവശ്യം .
തെച്ചിക്കോട്ടുകാവ് രാമചന്ദ്രന്, തെച്ചിക്കോട്ടുകാവ് ദേവിദാസന്, പാന്പാടി രാജന്, ഊട്ടോളി മഹാദേവന്, ചിറക്കല് കാളിദാസന്, ഗുരുവായൂര് വലിയകേശവന് എന്നു തുടങ്ങി നൂറ് പേരുകളും ആനകളുടെ പ്രത്യേകതയും മനപാഠമാണ് ഈ എല്കെജിക്കാരന്. ആനയോടുളള ആര്യന്റെ ഇഷ്ടം മനസ്സിലാക്കിയതോടെ ഇഷ്ടമുളള ചില ആനകളെ അച്ഛന് സുജിത് കുമാര് നേരിട്ട് കൊണ്ടു പോയി കാണിച്ചിട്ടുണ്ട്. സുജിത് കുമാര് സുമിഷ ദമ്പതികളുടെ മകനാണ് ആര്യന്.
