ഐസിസി ടെസ്റ്റ് ഓൾറൗണ്ടര്മാരുടെ പുതിയ റാങ്കിംഗ് പ്രഖ്യാപിച്ചു. ഇന്ത്യയുടെ സ്റ്റാർ ഓൾറൗണ്ടര് രവീന്ദ്ര ജഡേജയാണ് പുതിയ പട്ടികയിൽ ഒന്നാമത്. വെസ്റ്റ് ഇന്ഡീസ് ക്യാപ്റ്റന് ജാസണ് ഹോള്ഡറിനെ പിന്തള്ളിയാണ് ജഡേജ പുതിയ നമ്പര് വണ്ണായി മാറിയത്. ഇന്ത്യയുടെ രവിചന്ദ്രൻ അശ്വിനും ആദ്യ അഞ്ചിൽ ഇടംപിടിച്ചിട്ടുണ്ട്.
386 പോയിന്റാണ് ഒന്നാമതുള്ള ജഡേജയ്ക്കുള്ളത്. 384 പോയിന്റാണ് രണ്ടാമതുള്ള ഹോൾഡർക്കുള്ളത് മൂന്നാമതുള്ള ഇംഗ്ലണ്ടിന്റെ ബെൻ സ്റ്റോക്സിന് 377 പോയിന്റും നാലാം സ്ഥാനത്തുള്ള അശ്വിന് 353 പോയിന്റും അഞ്ചാമതുള്ള ബംഗ്ലാദേശിന്റെ ഷക്കീബ് അൽ ഹസന് 338 പോയിന്റുമാണുള്ളത്.
കരിയറില് ഇത് രണ്ടാം തവണയാണ് ജഡേജ ടെസ്റ്റിലെ നമ്പര് വണ് ഓള്റൗണ്ടറായി മാറുന്നത്.
