ലണ്ടൻ: ഇംഗ്ലണ്ട് ഏകദിന ടീമിലെ മുഴുവൻ താരങ്ങളോടും ക്വാറന്റൈനിൽ പോകാൻ നിർദ്ദേശം. ഡെൽറ്റാ വകഭേദം ടീമിൽ കണ്ടെത്തിയതോടെയാണ് താരങ്ങളെ ഹോട്ടലുകളിൽ ഐസൊലേഷനിലേക്ക് മാറ്റിയിരിക്കുന്നത്. പാകിസ്താനെതിരെ ഏകദിന പരമ്പരയ്ക്കുള്ള തയ്യാറെടുപ്പിനിടെയാണ് ഇംഗ്ലീഷ് ടീമിൽ കൊറോണ സ്ഥിരീകരിച്ചത്.
ബ്രിട്ടനിലാകമാനം ഡെൽറ്റാ വകഭേദം വ്യാപിക്കുന്നതിനിടെയാണ് ടീമംഗങ്ങളിൽ ചിലർക്ക് രോഗലക്ഷണം കണ്ടത്. മൂന്ന് താരങ്ങൾക്കും നാല് സഹായികൾക്കുമാണ് രോഗബാധ സ്ഥിരീകരിച്ചത്.
പാകിസ്താനെതിരായ മൂന്ന് മത്സരങ്ങളടങ്ങുന്ന ഏകദിന പരമ്പര വ്യാഴാഴ്ചയാണ് ആരംഭിക്കുന്നത്. ബെൻ സറ്റോക്സാണ് ടീമിനെ നയിക്കുന്നത്. ഇന്ത്യൻ പ്രീമിയർ ലീഗിൽ വെച്ച് വിരലിന് പരിക്കേറ്റതിനെ തുടർന്ന് സ്റ്റോക്സ് വിശ്രമത്തിലായിരുന്നു.
Comments