മലയാളികള്ക്ക് ഏറെ സുപരിചിതനായ താരമാണ് വിജയകുമാര്. ബാലതാരമായി സിനിമയിലെത്തിയ വിജയകുമാര് തലസ്ഥാനം എന്ന ചിത്രത്തിലെ കഥാപാത്രത്തിലൂടെയാണ് ശ്രദ്ധിക്കപ്പെടുന്നത്. വിജയകുമാറിന്റെ മകളാണ് യുവനടിയായ അര്ത്ഥന . എന്നാല് പല സാഹചര്യങ്ങളിലും അച്ഛനെതിരെ പരസ്യമായി രംഗത്തു വന്നിട്ടുണ്ട് അര്ത്ഥന.
മുത്തുഗൗ എന്ന ചിത്രത്തിലൂടെ ആയിരുന്നു അര്ത്ഥന സിനിമയില് അരങ്ങേറ്റം കുറിച്ചത്. ഇപ്പോള് തന്നെയും കുടുംബത്തേയും ചേര്ത്ത് വന്നിരിക്കുന്ന വാര്ത്തകളോട് പ്രതികരിച്ചിരിക്കുകയാണ് അര്ത്ഥന. ‘ധാരാളം മോശം വാര്ത്തകളാണ് പല ഓണ്ലൈന് മാധ്യമങ്ങളിലും വന്നു കൊണ്ടിരിക്കുന്നത്. പലതും തന്നെയും കുടുംബത്തെയും വ്യക്തിഹത്യ ചെയ്യാന് മാത്രം ഉള്ളത്. കുറച്ചു കഴിഞ്ഞാല് ഇതൊക്കെ നില്ക്കും എന്ന് കരുതിയാണ് മിണ്ടാതിരുന്നത്. എന്നാല് മിണ്ടാതിരുന്നത് ആണ് ഞാന് ചെയ്ത ഏറ്റവും വലിയ തെറ്റ് എന്നാണ് ഇപ്പോള് തോന്നുന്നത്- അര്ത്ഥന പറയുന്നു.
ഒരു ഓണ്ലൈന് മാദ്ധ്യമം നല്കിയ തലക്കെട്ട് ഇങ്ങനെയാണ് വിജയകുമാറിന്റെ മകള് എന്ന പേരില് അറിയപ്പെടാന് താല്പര്യമില്ല. അതിനുള്ളില് കൊടുത്തിരിക്കുന്നത് അതിലും രസകരം വിജയകുമാറിന്റെ മകള് അല്ല എന്ന് ഞാന് പറഞ്ഞു എന്നൊക്കെയാണ് കൊടുത്തിരിക്കുന്നത്. ഒരു കാര്യം ശരിയാണ് ആരുടേയും പേരില് അറിയപ്പെടാന് ഞാന് ആഗ്രഹിക്കുന്നില്ല. ആരുടെയും സഹായമില്ലാതെ ആണ് സിനിമയിലെത്തിയത്. അങ്ങിനെ തന്നെ നില നില്ക്കാന് ആണ് ആഗ്രഹിക്കുന്നത്. വിലകുറഞ്ഞ സൈബര് ബുള്ളിയിങ് ആണ് തനിക്കെതിരെ നടക്കുന്നത്. എന്നാണ് അര്ത്ഥനയുടെ പ്രതികരണം.
